Read Achang EZEKIEL 6 Bible Online

EZEKIEL 6 - Achang bible

EZEKIEL 6

¹YHENSAIN ngos lyis jis.

²Nyang taiq, Lvcang eh, Israel boms jens lyis yoeuh kat las nyamoq lyis ngah loeus dyei aq.

³Yomzains YHENSAIN dah dang xauhgyo das xiklyis Israel boms jens lyis taiq kyoh aq. Boms jens, jing jens, jeislvng, langhkhau jens eh, ngos Yomzains YHENSAIN taiq nyeis zis gyo geh. Dius jens phvra lyis paiq dah joqyos lyis tsain mhont das zis ngos moengsa nhang das.

⁴Namoq dah phon tsain thyoq khyoq das, xangh phon eq tsain khyauh das. Houmha dah dius jens dvnganh lyis eq nyamoq dah phvra jens xik mas sat das.

⁵Ngos Israel jens dah mvng lyis sanh tyamp das. Nyamoq dah shohyau lyis phon yvmlhaink yah tsain sanh toh das.

⁶Israel dah wus jens dvnganh monh tyamp das. Housoeh las nyamoq dah phon jens yahge nyamoq dah phvra jens dvnganh thungh thyi tyamp das. Nyamoq dah xangh phon eq dvyos dvsanh mus das. Nyamoq kuot dah vyhang dvnganh dyuk tyamp das.

⁷Dius jens dvkhauyah sat zis xauh das las, doeng nyeis bang gas ngos YHENSAIN nghuot yvlyis seq das.

⁸Ngos dvyhamh lyis sat cho mhayah phang luiq nhang das las dius nyau jens mas sanh tyo das.

⁹Houka nyamoq jonsdoeus loh yvmas nyeis das. Hauh yvmas nyamoq ngos lyis lom maluk, ngos lyis tyamp las phvra lyis ngwis loh yvmvyah ngos nyamoq[3] lyis joeng las nyamoq lyis nyoqnho ngelang gyoh nhang yvlyis soh las seq das. Nyamoq gas ma gis cho yahge ngelang pyaih cho kuot goeus yvmvyah nyamoq nyang gungs lyis nyamoq choqh.

¹⁰Ngos YHENSAIN nghuot zis yahge ngos zaih nhang zis gas mvgon ma nghuot yvlyis nyamoq yoh seq das.

¹¹Yomzains YHENSAIN taiq, Israel kuot goeus dah vchoqh vlhauq muh dvnganh gvng mas kuk ngaus las loqtyuk geh, khyei sap geh: nyamoq gas jeszan yvmas phanghkhauq gyoh, yomh los las shei loh das.

¹²We mas nyeis bang nos shei das; ni mas nyeis bang jes mas sat zis xauh das. Doeng nyeis shih bang gas yuot shet shei das. Housoeh ngah nhaiqyo zis gas nyamoq thoq mas huot das.

¹³Phon vyvm vwi yahge phvra mas, jing nyhang khanghmuh mas, boms thyoh khanghmuh mas, saiq nyaus zains khyei, wonszains khyei khanghmuh mas, nyamoq phvra lyis lomhxangh ngheq dyei joqyos khanghmuh mas mvng tsain sanh joq das. Houlhyi ngos YHENSAIN nghuot zis yuk khanghmuh seq das.

¹⁴Nghuot goeus, ngos ngah loq jweh las nyamoq mau lyis mhont das. Nyamoq mautyi pheh sihyos masyah mautsung pheh Ribla wus jweh shoq nyeisgyih yos kuot das. Israel jens nyeis dah joqyos dvkoeuq eq ma nyhet toh das. Housoeh lyis ngos YHENSAIN nghuot yvlyis yuk khanghmuh seq das, ge.