Read Achang HOSEA 3 Bible Online

HOSEA 3 - Achang bible

HOSEA 3

¹YHENSAIN ngos lyis taiq, Hwank phoq yah, lvng shuot dah vmesbih jyank doms loh las nvng jyet cho chixoeuq aq. Israel jens gas gohtoeu mangso jyank pheh xoeu loh las phvra lyis zvbiq kyuk jyungshuk chi loh mes laus eq ngos nyamoq lyis jyetdap shih zis yah dvyhangteh, nvng nyang lyis jyet chah, ge.

²Housoeh las ngos hauh vmesbih lyis ngwis kyvp dvci oeng, bali 7 luh yah wis.

³Ngos nyang lyis taiq zis gas, nyang nghe nyhiq ma duot, lvng ma shuot, ngos lyis nyangh shoq langh nyeis chah; hauh gyo lyis ngos eq nyang lyis langh nyeis das, oen.

⁴Heisoeh Israel jens gas hwankti ma yoh, uhshe bang ma bos, ma phudyei, gyingshang lukzains ma yoh, phvra ma bos, pe khyvlyis yhung das zis gungslho ma yoh nyangh shoq xauh nyeis das.

⁵Nghuot laus eq Israel jens gas YHENSAIN, nyamoq dah Mangso jyank pheh, hwankti Dawi dah vnyau vshih jyank pheh dvlhain doms tauh los das shishenh jweh los das. Hauh uhlyis nyamoq gas YHENSAIN lhyi gyukwoms das las nyah dah gis cho lhyi xauh yoeus das.