Read Achang AMO 2 Bible Online

AMO 2 - Achang bible

AMO 2

¹YHENSAIN taiq, Moab dius jens gas yaunos doms kuot doms kuot, haih gvng mas ngos nyamoq lyis jyoengh joeng das. Nyamoq gas Edom hwankti dah shohyau lyis shvhwih phuot zis yah ma phauh ma nyang kuot.

²Ngos Moab mau mas nyi khyoq las Keriot dah thoenkgus jesdvp ngheq kat das. Moab dius jens gas jeszan yvmas jeslo jens kaiq hoeu lha lvbuh muot uhlyis shei das.

³Ngos Moab dah guon soeu yahge hauh mau mas dah uhshe bang dvnganh lyis sat das.

⁴YHENSAIN taiq, Yuda dius jens gas yaunos doms kuot doms kuot, haih gvng mas ngos nyamoq lyis jyoengh joeng das. Nyamoq gas ngos jyauh cho lhyi dius ngis khyoq las ngos tyingtoh dang lyis ma chank. Nyamoq lyis nyamoq phauh thyeih moq phuqsoe dah, hau dvyhangteh ma jus mangso yah shwih whang loh.

⁵Housoeh las ngos Yuda thoq mas nyi khyoq las Yerusalem dah thoenkgus jesdvp lyis ngheq kat das.

⁶YHENSAIN taiq, Israel dius jens gas yaunos doms kuot doms kuot, haih gvng mas ngos nyamoq lyis jyoengh joeng das. Nyamoq gas jyen ma yoh cap dah topkoq bang yahge thyvkoq dvzomh phauh yangh ma yoh dyei dah shohjyen bang lyis jons ungh kat.

⁷Nyamoq gas yomnhuk las pangh soeu ma bos bang lyis nang nheh las nyungs bang lyis duon tyamp. Vbusbih dvyuk yahge nyah uwus gas hau dvyhangteh dah jons vmesbih yah yhet goh las ngah gyingshang nyings lyis lhoq lhoeuh.

⁸Nyungs bang tank toh las yoeus toh dah dyimis lyis dius jens paiq joqyos khanghmuh mas tsain nyhoeuh yhet. Nyamoq ngwis jyen shauh bang jyank masyah yoeus dah zvbiq lyis nyamoq Mangso dah yhenmuh mas tsain shuk.

⁹Nghuot laus eq ngah dius jens eh, ngos namoq nyhenshang arit zains teh nyhang lha wons zains teh kank bos dah Amori dius lyis saiq nyet doeu tyamp teh shank shoq mhont tyamp.

¹⁰Ngos namoq lyis Egutu masyah shwih thuq las, sihyos chank nyeici zvn top shwih los las Amori mau gas namoq nyang zis nghuot khyvlyis dyei toh.

¹¹Ngos namoq dah loloeu dvyhamh lyis lvpe jens, Namoq dah loyvm jens dvyhamh lyis Naziri dius kuot das zis khyen yoeus. Israel dius jens eh, haih cho ma jus lhyeh? Ngos YHENSAIN taiq goeus.

¹²Nghuot laus eq namoq gas Naziri jens lyis zvbiq shuk nhang lha, lvpe jens lyis, ngah loeus vtaiq goh ge tsain tung.

¹³Gvshih ngos namoq lyis tsoh mas thungh thyi das las namoq gas jyo thuq dah lhyingh teh noskyingh das.

¹⁴Wuih lyis nyap soeu yangh phang ma luiq, yombos soeu nyah yom dyuk loh das; jeslo jens nyamoq nyang kang lhyi ma yoh khyuot yoeus das.

¹⁵Lyei baiq bang ma yoh thoenk yap, wuih nyap bang ma luiq, nyang ji bang nyamoq nyang kang phang ma luiq das.

¹⁶Hauh buisnyeis lyis womh thank jeslo jens yangh nyamoq dah kyonhkhyi tyamp las cangh das. YHENSAIN taiq goeus.