Read Achang YONA 3 Bible Online

YONA 3 - Achang bible

YONA 3

¹Gvshih aiq vlhain Yona jyank YHENSAIN dah dang jweh taiq zis gas,

²Nvng toq las Ninewe wusmuh mas, ngos nvng lyis taiq toh dah loeus dang loh kaiq taiq hoeuh aq, ge.

³Housoeh las Yona gas YHENSAIN domsyos gyo las Ninewe pheh loh. Hau Ninewe gas kuh las wus thang mhayah wus whomh jweh shoq somh nyeih suh shoq dvm dah wusmuh nghuot.

⁴Yona gas wus vkhau mha wvng las dvnyeih loh lho lha, Ninewe wus gas nyeici nyeih lai lyis dyoqbis zis xauh das, ge kaiq taiq.

⁵Ninewe wus bang gas Mangso lhyi lomsjingh las, womkyi das shishenh toeuq toh. Ngislo kuhlo yanghthung dyimis tsain wuot.

⁶Ninewe hwankti hauh dang xauhgyo lyis, nyang hwankti tank masyah toq las nyah hwankti dyimis khyuot tyamp lho lha yanghthung dyi wuot zis yah nyiyvp boms mas tsung.

⁷Ninewe mas hwankti dang khyoq zis gas, Hwankti yahge nyah nhaiqbos jens dah dang khyoq zau dang yah dvyhangteh, dius, gaunyhauq, noeu, yvng lyis womzo jeis vshuk nhang.

⁸Dius eq gaunyhauq eq yanghthung dyi wuot las dius gas Mangso lhyi shvmanh gvgis kaiq dung nhang goh. Nyang yuk nyang dah ma gis cho yahge bat goh sat goh cho lhyi toh tyamp nhang goh.

⁹Mangso ka yang ma dyoqbis bas jungh, nyang nhaiqyo masyah khyoq las ehnyet thaiq zis yah yang lyis nhaiq ma nyen das oen hank yoh taiq das lah, ge.

¹⁰Gvshih nyamoq gas, nyamoq dah ma gis cho mhayah lhain los yvlyis Mangso nyvng lyis, Mangso ka ehnyet thaiq las nyamoq lyis joeng das ge taiq toh teh ma joeng lo.