Read Achang GYUNG 2 Bible Online

GYUNG 2 - Achang bible

GYUNG 2

¹YHENSAIN Moshe yahge Aron lyis o mha dah taiq shet cho dyei.

²Israel jens thoenggus kuot lyis yuk khanghmuh vsainnyang vhuh dah khyiq yahge vsainnyang dvp khyiq kuh khyei mha kuot chah. Hauh thoenggus gas zvng yvmlhaink yah kuot chah.

³Buisthuq shot pheh Yuda dvp dah khyiq kuh khyei mha bang o mha taiq khyvlyis nyamoq uhjyung dah o mha nyang joq nyang thoenggus tsain kuot das. [Vkoq] — [Uhshe soeu] — [Sonzoh] Yuda — Aminadab lo Nashon — 74,600 Isakha — Zua lo Nethanel — 54,400 Zebulun — Helon lo Eliab — 57,400 — Dvnganh lyis: — 186,400 Yuda dvp gas cangxeih jens loh das.

¹⁰Mautyi shot pheh Ruben dvp dah khyiq kuh khyei mha bang o mha taiq khyvlyis nyamoq uhjyung dah o mha nyang joq nyang thoenggus tsain kuot das. [Vkoq] — [Uhshe soeu] — [Sonzoh] Ruben — Shedeur lo Elizu — 46,500 Simon — Zurishadai lo Shelumiel — 59,300 Gad — Deuel lo Eliasap — 45,650 — Dvnganh lyis: — 151,450 Ruben dvp gas aiq vphung jens loh das.

¹⁷Xik pheh aiq dvp yahge thang pheh aiq dvp dah vjo mas gas Lewi jens Zvng wuq las jens loh das. Thoeng lhyi teh hank eq hank nyang dvp nyang dah khyiq kuh khyei mha dvgeh loh chah.

¹⁸Buiswvng shot Ephraim dvp dah khyiq kuh khyei mha bang o mha taiq khyvlyis nyamoq uhjyung dah o mha nyang joq nyang thoenggus tsain kuot das. [Vkoq] — [uhjyung] — [Sonzoh] Ephraim — Amihud lo Elishama — 40,500 Manase — Pedazu lo Gamaliel — 32,200 Benyamin — Gideoni lo Abidan — 35,400 — Dvnganh lyis: — 108,100 Ephraim dvp gas somh vphung jens loh das.

²⁵Mautsung shot Dan dvp dah khyiq kuh khyei mha bang o mha taiq khyvlyis nyamoq uhjyung dah o mha nyang joq nyang thoenggus tsain kuot das. [Vkoq] — [Uhshe soeu] — [Sonzoh] Dan — Amishadai lo Ahiza — 62,700 Asher — Okran lo Pagiel — 41,500 Napthali — Enan lo Ahira — 53,400 — Dvnganh lyis: — 157,600 nghuot. Dan dvp gas thang thank jens loh das.

³²Nyang phung nyang dvp mas nyings suon bos dah Israel jens dvnganh lyis khyuk sens somh khyoengh oengxo oengci nghuot.

³³YHENSAIN Moshe lhyi tying toh vgus, Lewi jens lyis nyet dah Israel jens mas nyings ma bos suon kat.

³⁴Housoeh las, Israel jens gas YHENSAIN Moshe lhyi tying toh zis dvnganh kuot. Yuk khanghmuh vsainnyang khyiq khyei mha thoeng, nyamoq nyah vhuh yah nyang jens loh.