Read Achang GYUNG 29 Bible Online

GYUNG 29 - Achang bible

GYUNG 29

¹Nyhet vkhyvp, das vnyeih lyis namoq paiq das xiklyis dvgeh huom chah: muh ma gis zwi: hauh nyeih lyis lvbuh muot chah.

²YHENSAIN lhyi xangh shom nhaiqdoeus nhang das zis ngheq dyei jyungshuk noeulu kyoh dvdoeu, yvnglus dvdoeu, dvzvn dyingh dah yvnglus lo nyhet doeu chi los chah. Hau dvnganh gas nos ma bos zis nghuot chah.

³Vgus gus jyo jyungshuk tsanlun coeu yah lhoeuq dah monh phudyei chah. Noeulu dvdoeu mas 6 paung, yvnglus mas 4 paung,

⁴yvnglus lo dvdoeu mas 2 paung bos chah.

⁵Yaunos jyungshuk khyvlyis beqlus dvdoeu eq phudyei chah. Heisoeh khyvlyis dius jens dah xiklyis cheihshang cho kuot chah.

⁶Haih zis gas lhamhmuh canh nyeih lyis vjangh ngheq dyei jyungshuk yahge nyah jyo jyungshuk, nyeih yau ngheq dyei jyungshuk yahge nyah jyo jyungshuk, zvbiq jyungshuk mas tsank phudyei chah. Haih zonoms jyungshuk xangh shom ka YHENSAIN lhyi nhaiqdoeus nhang.

⁷Nyhet vkhyvp dah ci vnyeih lyis paiq das nyhenshang huom geh. Zonoms vzo goh, muh vzwi goh.

⁸YHENSAIN lhyi xangh shom nhaiqdoeus nhang das zis ngheq dyei jyungshuk phudyei geh. Houka nos ma bos dah noeulu kyoh dvdoeu, yvnglus dvdoeu, dvzvn dyingh dah yvnglus lo nyhet doeu nghuot.

⁹Vgus gus jyo jyungshuk eq tsanlun coeu yah lhoeuq dah monh, noeulu mas monh 6 paung, yvnglus mas aiq kilogram,

¹⁰yvnglus lo dvdoeu mas 2 paung nghuot.

¹¹Yaunos jyungshuk khyvlyis beqlus dvdoeu eq phudyei chah. Dius jens xiklyis cheihshang cho kuot dah beqlus phudyei yahge nyeih yau ngheq dyei jyungshuk yahge nyah jyo jyungshuk yahge zvbiq jyungshuk mas tsank phudyei chah.

¹²Nyhet vkhyvp dvci oeng vnyeih lyis paiq das xiklyis huom geh. YHENSAIN lhyi chungh dah pwe nyhet nyeih kuot geh, muh vzwi goh.

¹³Cangxeih vnyeih lyis YHENSAIN lhyi nhaiqdoeus nhang dah xangh shom zonoms jyungshuk phudyei geh. Nos ma bos dah noeulu kyoh dvci somh doeu, yvnglus aiq doeu, dvzvn dyingh dah yvnglus lo dvci nyei doeu nghuot.

¹⁴Vgus gus tsanlun coeu yah lhoeuq dah jyo jyungshuk monh eq noeulu dvdoeu mas 6 paung, yvnglus dvdoeu mas 4 paung,

¹⁵yvnglo dvdoeu mas 2 paung yah dvgeh bos chah dah zvbiq jyungshuk nghuot.

¹⁶Yaunos jyungshuk khyvlyis beqlus dvdoeu eq phudyei chah. Haih zis gas nyeih yau ngheq dyei jyungshuk yah dvgeh nyah jyo jyungshuk yahge zvbiq jyungshuk mas tsank phudyei chah.

¹⁷Aiq vnyeih lyis nos ma bos dah noeulu kyoh dvci aiq doeu, yvnglus aiq doeu, dvzvn dyingh dah yvnglus lo dvci nyei doeu phudyei chah.

¹⁸Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

²⁰Somh vnyeih lyis nos ma bos dah noeulu kyoh dvci dvdoeu, yvnglus aiq doeu, dvzvn dyingh dah yvnglus lo dvci nyei doeu phudyei chah.

²¹Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

²³Nyei vnyeih lyis nos ma bos dah noeulu kyoh dvci doeu, yvnglus aiq doeu, dvzvn dyingh dah yvnglus lo dvci nyei doeu phudyei chah.

²⁴Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

²⁶Oeng vnyeih lyis nos ma bos dah noeulu kyoh gau doeu, yvnglus aiq doeu, dvzvn dyingh dah yvnglus lo dvci nyei doeu phudyei chah.

²⁷Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

²⁹Khyuk vnyeih lyis nos ma bos dah noeulu kyoh xet doeu, yvnglus aiq doeu, dvzvn dyingh dah yvnglus lo dvci nyei doeu phudyei chah.

³⁰Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

³²Nyhet vnyeih lyis nos ma bos dah noeulu kyoh nyhet doeu, yvnglus aiq doeu, dvzvn dyingh dah yvnglus lo dvci nyei doeu phudyei chah.

³³Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

³⁵Xet vnyeih lyis paiq das xiklyis huom geh, muh vzwi goh.

³⁶YHENSAIN lhyi nhaiqdoeus nhang dah xangh shom zonoms jyungshuk khyvlyis nos ma bos dah noeulu kyoh dvdoeu, yvnglus dvdoeu, dvzvn dyingh dah yvnglus lo nyhet doeu ngheq phudyei chah.

³⁷Cangxeih vnyeih lyis bos chah dah gohtoeu jyungshuk dvnganh yah dvgeh phudyei chah.

³⁹Heika namoq toeuq toh dah pwe mha YHENSAIN lhyi ngheq dyei jyungshuk, jyo jyungshuk, zvbiq jyungshuk yahge nyenstap jyungshuk yah sen dah lyi tsain nghuot. Heika nyhen toh zis tyink jyungshuk, nghuot ya xihhonh jyungshuk thoq mas tsank phudyei zis nghuot.

⁴⁰Housoeh las Moshe ka YHENSAIN nyang lyis tying toh zis dvnganh Israel dius jens lyis taiq kyoh.