Read Achang GYUNG 3 Bible Online

GYUNG 3 - Achang bible

GYUNG 3

¹Heika Sina boms mas YHENSAIN Moshe lhyi jis uhlyis Aron yahge Moshe dah yhenbang nghuot.

²Aron mas loloeu jens nyei yuk bos. Loxeih Nadab, Abihu, Eleaza, Ithama tsain nghuot.

³Nyamoq gas phudyei bang khyvlyis coeu juot las muh huon toh bang nghuot.

⁴Nadab yahge Abihu ka Sina mhanhdyvp mas YHENSAIN lhyi ma gyingshang dah nyi yah phudyei uhlyis sat zis xauh goeus. Nyamoq mas lo ma bos, housoeh las Eleaza yahge Ithama gas Aron zaih gyo lyis phudyei bang khyvlyis phuqsoe.

⁵YHENSAIN Moshe lhyi taiq,

⁶Lewi vkoq lyis shwih thuq los las, phudyei Aron dah jyeidwis khyvlyis toeuq toh aq.

⁷Nyamoq gas ngah xikkhonh zvng mas chah dah muh kuot das, Aron xiklyis eq moqphung dvkoeuq gonh xiklyis eq muh wons wuq das.

⁸Nyamoq gas Zvng dah kyahsoe dvnganh yoeuh las, nyet shih Israel jens xiklyis phuqsoe muh wons wuq das.

⁹Lewi jens dah yvwons gas Aron yahge nyah loloeu jens lyis kyingh phuqsoe das.

¹⁰Nvng Aron yahge nyah lo jens lyis phudyei muh kuot das nyhenshang muh huon toh das. Gohyuk hank nghuot laus eq hauh zis kuot loh soeu ka sat zis xauh das, ge.

¹¹YHENSAIN Moshe lhyi taiq,

¹²Gvshih Lewi jens gas ngah zis nghuot. Ngos Egutu bang dah loxeih sat uhlyis ngah xiklyis Israel yhenbang khanghmuh mas loxeih yahge gaunyhauq khanghmuh suot xeih lyis cheihshang toh. Gvshih Israel yukgis loxeih gungsthaiq Lewi lyis yoh toh. Nyamoq gas ngos yah sen das. Ngos YHENSAIN nghuot.

¹³

¹⁴Sina mhanhdyvp mas YHENSAIN Moshe lhyi tying toh.

¹⁵Lewi jens lyis nyah vhuh, nyah yhenbang khyvlyis suon geh. Lhamhmuh dvkhyvp masyah thoq pheh dah yukgis lo yuk khanghmuh lyis suon geh, ge.

¹⁶Moshe eq housoeh kuot goeus.

¹⁷Lewi mas Gershon, Kohat, Merari ge loloeu jens somh yuk bos: nyamoq gas hauh vhuh dah phauh thyeih nyings wons bang nghuot. Gershon mha Libni yahge Shimei ge loloeu aiq yuk bos. Kohat mas Amram, Izhar, Hebron yahge Uziel ge loloeu nyei yuk bos. Merari mas Mali yahge Mushi ge loloeu aiq yuk bos. Nyamoq gas nyamoq yhenbang dah nyings wons dah phauh thyeih moq nghuot.

¹⁸

¹⁹

²⁰

²¹Libni yhenbang yahge Shimei yhenbang gas Gershon vhuh nghuot.

²²Nyamoq vhuh mas suon bos, lhamhmuh dvkhyvp masyah thoq pheh dah yukgis lo jens dvnganh lyis nyhet khyoengh oengxo nghuot.

²³Gershon vhuh gas buiswvng shot zvng nungs mas thoeng das.

²⁴Gershon vhuh mas uhjyung ka Lael lo Eliasap nghuot.

²⁵Gershon vhuh yvwons yoeus das zis gas Zvng, hau vtheh mas vnghop, nghe mha vnghop, khyam khomh gosseh,

²⁶Zvng yahge phon yvmlhaink mas dah khyam misseh, khyam khomh mas gosseh tsain nghuot. Nyamoq gas haih vyhang dvnganh yah sen dah muh wons wuq chah.

²⁷Amram, Izha, Hebron, Uziel yhenbang gas Kohat vhuh tsain nghuot.

²⁸Nyamoq vhuh mas suon bos, lhamhmuh dvkhyvp masyah thoq pheh dah yukgis lo jens dvnganh lyis xet khyoengh khyukxo nghuot. Nyamoq yvwons gas gyingshang joqyos lyis loqzamh zwi chah.

²⁹Haih vhuh gas Zvng dah mautyi pheh thoeng das.

³⁰Kohat vhuh dah uhjyung ka Uziel lo Elizaphan nghuot.

³¹Nyamoq muh yvwons yoeus das zis gas, Thanghchvp Kwi, kihgus, nyituonh gus, phon jens, gyingshang joqyos mas phudyei bang yhung dah kyahsoe, Gyingshang thank joqyos mas wvng dah khomh gosseh tsain nghuot. Nyamoq gas haih vyhang dvnganh yah sen dah muh wons wuq das.

³²Lewi jens dah uhjyung ka Phudyei Aron lo Eliaza nghuot. Nyang gas Gyingshang Joqyos mas yvwons yoeus muh wons bang lyis yoeuh nyeis.

³³Mali yahge Mushi yhenbang gas Merari vhuh nghuot.

³⁴Nyamoq vhuh mas suon bos, lhamhmuh dvkhyvp masyah thoq pheh dah yukgislo jens dvnganh lyis khyuk khyoengh aiqxo nghuot.

³⁵Haih vhuh gas Zvng dah mautsung pheh thoeng das. Nyamoq dah uhjyung ka Abihila lo Zuriel nghuot.

³⁶Nyamoq lyis kyauh yvwons gas Zvng dah vzwvng, nyah vkyank, zains, phangh yahge houyah sen zis dvnganh nghuot. Nyamoq gas haih vyhang dvnganh yah sen dah muh wons wuq das.

³⁷Nyamoq gas Khyam zains, phangh, jywangh yahge twih xiklyis yvwons yoeus.

³⁸Moshe, Aron yahge nyah lo jens gas buisthuq shot Zvng xik mas thoeng. Nyamoq gas Israel jens xiklyis hau Gyingshang Joqyos mas kuot chah dah phuqsoe muh lyis kuot das zis yvwons bos. Gohyuk hank laus eq houmha loh soeu ka sat zis xauh das.

³⁹YHENSAIN tying toh las, Moshe suon lhyi, Lewi yukgis jens nyah vhuh mas suon bos, lhamhmuh dvkhyvp masyah thoq pheh bang dvnganh lyis 22,000 nghuot.

⁴⁰YHENSAIN Moshe lhyi taiq, Israel jens dah yukgis loxeih dvnganh ngos yah sen. Housoeh las Israel yukgis loxeih lhamhmuh dvkhyvp masyah thoq pheh bang yuk khanghmuh dah nyings lhaih toh aq. Nghuot laus eq hauh bang joqyos mas ngos Lewi dvnganh lyis ngah zis khyvlyis toh. Ngos YHENSAIN nghuot. Israel gaunyhauq suot xeih joqyos mas eq Lewi jens dah gaunyhauq toh.

⁴¹

⁴²Moshe eq domsyos gyo las Israel yukgis loxeih dvnganh lyis suon.

⁴³Housoeh lhamhmuh dvkhyvp masyah thoq pheh bang dvnganh lyis 22,273 yuk nghuot.

⁴⁴YHENSAIN Moshe lhyi taiq,

⁴⁵Gvshih Lewi jens lyis ngah zis khyvlyis Israel yukgis loxeih dvnganh dah joqyos mas kyauh toh aq. Israel jens dah cangxeih suot gaunyhauq joqyos mas Lewi jens dah gaunyhauq lyis kyauh toh aq. Ngos YHENSAIN nghuot.

⁴⁶Israel jens dah loxeih jens gas Lewi jens dah loxeih thoq lyis 273 yuk nyo joq las hau nyet dah lo jens lyis doms khyuot chah.

⁴⁷Gyingshang joqyos mas thyet dah phauh khyvlyis, dvyuk mas ngwis kyvp oeng koeuq dyei chah.

⁴⁸Hau khyuot ngwis gas Aron yahge nyah loloeu jens lyis dyei chah, ge.

⁴⁹Moshe eq domsyos gyo zis yah

⁵⁰ngwis kyvp 1,365 yoeus las

⁵¹Aron yahge nyah lo jens lyis dyei.