Read Achang GYUNG 33 Bible Online

GYUNG 33 - Achang bible

GYUNG 33

¹Hai o mha dyei toh zis gas Moshe yahge Aron shwih dah Israel jens Egutu masyah thuq khoq thang lhyi vkoq khyvlyis thoeng khoq thoenggus joqyos nyings tsain nghuot.

²YHENSAIN dah vmingh yah nyamoq dvp thoeng khanghmuh Moshe lhaih comh toh dah joqyos nyings tsain nghuot.

³Lhamhmuh cangxeih vkhyvp, dvci oeng vnyeih, cangxeih Lhuiq Kat Pwe dah nungsnvp, Israel jens gas Egutu masyah thuq khoq. YHENSAIN gomh dyei dah vkhau mha Israel jens gas Egutu bang dah xikkhonh mas, Ramese wus masyah womh womh thuq khoq.

⁴Egutu bang gas, YHENSAIN sat dah loxeih lyis tsain ba nyhop nyeis. Heisoeh kuot zis yah YHENSAIN ka Egutu mangso jens thoq lyis yomsoq zes bos cho chixoeuq.

⁵Israel dius jens gas Ramese mhayah thuq las Sukhot mas dvp thoeng.

⁶Thang lhyi dah thoenggus gas mhanhdyvp vthang Etham mha nghuot.

⁷Etham mhayah Bal Zephon dah buisthuq pheh Pi Hahirot pheh tauh loh las Migdol nvm mas thoeng.

⁸Pi Hahirot masyah thot zis, Thomh Nes lai las Etham mhanhdyvp mas somh nyeih jens loh thang lhyi Mara mas thoeng.

⁹Mara masyah thot zis Elim mas thoeng. Houmha jeisthuq dwang dvci aiq dwang yahge dyoms nyhetci zains yuk yvmvyah nyamoq houmha thoeng.

¹⁰Elim masyah thot zis Thomh Nes nvm mas thoeng.

¹¹Nyamoq Thomh Nes nvm masyah Sin Mhanhdyvp mas thoeng.

¹²Sin mhanhdyvp masyah Dopka mas thoeng.

¹³Dopka masyah Alush mas thoeng.

¹⁴Alush masyah thot zis Rephidim mas thoeng. Houmha nyamoq xiklyis shuk das jeis ma joq.

¹⁵Rephidim masyah Hor jweh shoq o mha dah joqyos mas dvp tsain thoeng. Sina mhanhdyvp, Kibrot Hatawa, Hazerot, Ritma, Rimon Pere, Libna, Risa, Kehelatha, Shepher Boms, Herada Makhelot, Tahat, Tera, Mitka, Hashmona, Moserot, Bene Yakan, Hor Hagid, Yotbatha, Abrona, Ezion Geber, Zin mhanhdyvp Kadesh, Edom mau thang Hor Boms mas thoeng.

³⁸YHENSAIN dah vmingh vgus phudyei Aron gas Hor Boms mas loh doq shei. Hauh uhlyis nyang nyenhkyi 123 zvn bos goeus. Houka Israel jens Egutu masyah thuq los zis nyeici vzvn, oeng vkhyvp, das vnyeih lyis nghuot.

⁴⁰Israel jens doq los nyeis, ge cho Khanan mautyi pheh dah hwankti Arad xauhgyo.

⁴¹Hor boms masyah Moab pa mha Israel jens o mha dah joqyos mas dvp thoeng. Zalmona, Punon, Obot, Moab wuxom mha Iye Abarim, Dibon Gad, Almon Diblathaim, Nebo boms nvm mas dah Abarim boms jens, Yerikho twi twi Yodan lvng haqtvp Moab pa, Bet Yeshimot yahge Akhesia langhkhau jo mas nghuot.

⁵⁰Yerikho masyah Yodan lvng goeu dah Moab pa mha YHENSAIN Moshe lhyi,

⁵¹Israel jens xiklyis o mha dah taiqshet cho dyei. Namoq Yodan lvng goeu las Khanan mau mas jweh lyis,

⁵²Houmha nyeis dyos bang dvnganh lyis khat tyamp chah. Nyamoq dah luk, ngwis xing phvra dvnganh, nyamoq paiq dah joqyos dvnganh lyis mhont tyamp chah.

⁵³Ngos namoq lyis hauh mau dyei goeus las, nyamoq wvng sain lha houmha nyeis geh.

⁵⁴Vkoq nyoshoq, vhuh nyoshoq mas doeugoh zis yah hauh maunyeis gvm yoeus chah; dius nyo vhuh lyis vso maunyeis kuh kuh, dius nain vhuh lyis ngis ngis dyei chah.

⁵⁵Namoq hauh mau bang mas nyeis dyos bang lyis ma khat tyamp lyis gas, nyet joq bang gas namoq nyoq mas zoeu, namoq nvmjaus mas tyanghchon duot las, namoq lyis zan das.

⁵⁶Nyamoq lyis ma khat tyamp lyis gas, ngos nyamoq lyis mhont das cvq zis namoq lyis mhont das, ge.