Read Achang GYUNG 34 Bible Online

GYUNG 34 - Achang bible

GYUNG 34

¹YHENSAIN Moshe lhyi,

²Israel jens xiklyis o mha dah taiqshet cho dyei. Ngos namoq lyis dyei dah Khanan mau mas jweh lyis, namoq dah wuxom maukyo ka o mha taiq toh khyvlyis nghuot chah.

³Mautyi maukyo ka Zin mhanhdyvp masyah Edom maukyo chank yah loh. Buisthuq pheh Coh Thomh mautyi vthang masyah xi.

⁴Hauh thang lhyi mautyi pheh Akrabim langhwuq pheh xoeu gyoh loh las Zin mhanhdyvp lai las mautyi pheh Kadesh Barnea wus jweh shoq nghuot. Hauh thang lhyi Buiswvng mautsung pheh xoeu lha Haza Adar yahge Azmon,

⁵Azmon mhayah Egutu maukyo langhkhau shot xoeu loh las Mediteranean Thomh mas thank.

⁶Buiswvng pheh maukyo ka, Mediteranean Thomh nghuot chah.

⁷Mautsung maukyo ka, Mediteranean Thomh masyah Hor boms pheh loh lho lha,

⁸Hou mhayah Hamat langhwuq pheh, Zedad wus pheh tsoq loh las,

⁹Zephron masyah loh las Haza Enan mas thank.

¹⁰Buisthuq maukyo ka, Haza Enan masyah Shepham pheh.

¹¹Hauh thang lhyi mautyi pheh Ain buisthuq shot Harbel gyoh las Galile thomhlo dah buisthuq pheh thomh yvm jing cho gyoh loh.

¹²Hauh zis mautyi pheh Yodan lvng chank yah Coh Thomh mas thank. Houka namoq mau dah nyei shot maukyo tsain nghuot, ge.

¹³Housoeh las Moshe Israel jens lyis taiq: Heika YHENSAIN dyei toh, doeugoh zis yah hau gau koq dvkhyamh xauh yoeus das maunyeis nghuot.

¹⁴Ruben vkoq, Gad vkoq, yahge buisthuq pheh nyeis dah Manase vkoq dvgohyih gas nyamoq yhenbang khyvlyis gvm dah vso maunyeis xauh yoeus goeus.

¹⁵Houka Yerikho twi twi Yodan lvng buisthuq tvp pheh nghuot, ge.

¹⁶YHENSAIN Moshe lhyi taiq.

¹⁷Phudyei Eleaza yahge Nun lo Yoshua gas dius jens lyis vso maunyeis gvm dyei das.

¹⁸Hau gvm dyei yvmas pangh das xiklyis dvkoq mas uhshe soeu dvyuk yoeus chah.

¹⁹Heika YHENSAIN khyen yoeus bang nghuot. [Vkoq] — [Uhshe soeu] Yuda — Yephun lo Khaleb Simon — Amihud lo Shemuel Benyamin — Chislon lo Elidad Dan — Yogli lo Buki Manase — Ephod lo Haniel Ephraim — Shiptan lo Kemuel Zebulun — Parnak lo Elizaphan Isakha — Azan lo Paltiel Asher — Shelomi lo Ahihud Napthali — Amihud lo Pedahel.

²⁹Haih zis gas Israel jens lyis Khanan mau mas vso maunyeis gvm das xiklyis YHENSAIN toeuq toh bang nghuot.