Read Achang ZEKHARIA 13 Bible Online

ZEKHARIA 13 - Achang bible

ZEKHARIA 13

¹Maukhung Jesphung YHENSAIN taiq, Hauh shishenh jweh lyis Dawi vnyau vshih yahge Yerusalem dius jens lyis nyamoq dah yaunos yahge phvra paiq cho mhayah cheihshang kat das zis jeisthuq dwang dvkoeuq phank los das.

²Hauh shishenh lyis ngos hau phvra dah nyings jens lyis hauh mau masyah thyuk tyamp das las hank eq hauh yvlyis ma soh lo das. Lvpe nghuot ge soeu hank lyis laus eq thyuk tyamp das. Phvra paiq mes dah ehnyet lyis eq yoeus tyamp das.

³Dvyuk yuk lvpe pe nyeis shih lyis gas, nyah ungwes uwus nyang, nyang lyis, nvng YHENSAIN dah dang taiq laus eq dvhwah nyeis yvmvyah nvng sat zis xauh chah ge taiq das. Nyang lvpe pe nyeis lyis nyah ungwes uwus nyang, nyang lyis thauh sat das.

⁴Hauh shishenh jweh lyis, lvpe hank eq nyah nyoqnyvng gvng mas ma khwank lo lvpe teh ma kuot lo, dius jens lyis mhuih das zis kyung dah lvpe dyixing ma wuot lo das.

⁵Hauh gungsthaiq nyang gas, Ngos lvpe ma nghuot. Ngos yos zwi zo soeu dvnghuot; Ngos dvcaiq yah yos zwi zo los, ge das.[15]

⁶Hauh thang lhyi dvyuk yuk gas, Hau nah sainhkhonh mas dah dvm gas cha tsain nghuot lah, ge nyei lyis nyang gas, Buisnoms yhen mha xauh zis nghuot, ge toeuh das, ge.

⁷Maukhung Jesphung YHENSAIN taiq, Sham eh, Yhet soh aq, ngah muh wons dah yvng yoeuh soeu lhyi zan aq, nyang lyis sat aq, yvng jens dyos loh das. Ngos ngah dius jens lyis zan das las,

⁸mau gonh mas dius somh boms aiq boms shei das.

⁹Ngos hau doeng nyeis dah dvboms lyis shi yoeuh las ngwis lyis nyi yah cheihshang teh cheihshang das. Ngos nyamoq lyis xing lhyi shi yoeuh teh shi yoeuh das. Hauh thang lhyi nyamoq ngos lyis shvmanh dung das las ngos phuk taiq das. Ngos nyamoq lyis, nyamoq gas ngah dius jens nghuot oen taiq das las ngos gas nyamoq dah Mangso nghuot ge rhen das.