Read Achang ZEKHARIA 4 Bible Online

ZEKHARIA 4 - Achang bible

ZEKHARIA 4

¹Ngos yah jisgoh goeus dah loeuswons soeu doms jweh los las ngos lyis yhet muih goeus soeu lhyi nhauh teh nhauh.

²Nyang ngos lyis, Nvng cha nyvng, ge nyei. Ngos gas, xing yah kuot dah nyituonh gus lyis nyvng, oen toeuh. Hauh vthyoh mas coeu xiklyis khuq bos. Hauh nyituonh gus mas nyitoengh nyhet koeuq bos, dvkoeuq dvkoeuq mas nyikhying nyhet koeuq xiklyis joqyos bos.

³Nyituonh gus dah vyvm mas tsanlun zains dvshot dvzains bos.

⁴Tsai ngos gas hauh loeuswons soeu lhyi, Svra eh, haih vyhang ka chah nyhenshang tsain nghuot lah, oen nyei.

⁵Nyang ngos lyis, Nvng ma seq lhyeh, ge. Ngos gas, Svra eh, ma seq, oen toeuh.[3] 10b Loeuswons soeu ngos lyis taiq, Nyitoengh nyhet koeuq gas nyeisjvng gonh nyvng, YHENSAIN dah nyoqjeih nyhet lom nghuot, ge.

¹¹Tsai ngos nyang lyis, Hauh nyituonh gus dah dvshot dvzains bos dah hau tsanlun aiq zains vjyuk gas cha nghuot? oen nyei.

¹²Tsai ngos gas, Tsanlun coeu huot khyoq dah xing tyungh aiq koeuq vyvm mas dah tsanlun ko aiq koeuq dah vjyuk cha nghuot, oen.

¹³Nyang ngos lyis, Nvng ma seq lhyeh, ge nyeis. Ngos gas, Svra eh, ngos ma seq, oen toeuh.

¹⁴Housoeh nyang gas, Heika nyeisjvng gonh dah YHENSAIN lhyi phuqsoe das zis Mangso khyen yoeus goeus las coeu juot kham vzomh nghuot, ge. Zerubabe lyis Dangthoengh Loeuswons soeu ngos lyis, Hai YHENSAIN jyank masyah loeus Zerubabe lyis dyei aq. Nvng nah jesphung yom yah ma nghuot, nvnyang yom yah eq ma nghuot, ngah dyos yom yah nvng ung das, ge. Nah xikkhonh masyah boms zainsmuh jens iq kuh dah yau cho dyuk tyamp das. Nvng Yhenmuh lyis soq kuot das las, nvng thang thank luklom nyah joqyos mas kat lyis dius jens gas, Yungh! Yungh! ge tsain kaiq das. YHENSAIN jyank masyah gohtoeu loeus dvkoeuq ngah jyank mas jweh los. Nyang taiq, Zerubabe gas Yhenmuh vpom xi goeus las nyang hau tsuk cho dye shoq kuot das. Haih zis bweh lyis nvng lyis nyamoq jyank mas nhang kat zis ngos nghuot yvlyis ngah dius jens seq das. Nyamoq gas hauh muh ung cho dvtsiq dvbos yvmvyah yom tsain gyau. Nghuot laus eq nyamoq Zerubabe Yhenmuh lyis tsoq las kuot zis nyvng lyis nyamoq tsain gaus das.