Read Achang MALAKHI 4 Bible Online

MALAKHI 4 - Achang bible

MALAKHI 4

¹Maukhung Jesphung YHENSAIN taiq, Khwank bang yahge ma gis bang dvnganh huhyau teh ngeh das buisnyeis jweh los. Hauh buisnyeis lyis nyamoq gas ngeh tyamp das las cha eq ma nyet lo das.

²Nghuot laus eq namoq ngah domsyos gyo bang xiklyis ngah khyuot yoeus yomsoq gas buis soeh namoq thoq mas toq los las buiscam teh nos yhoh dyei das. Namoq gas zungs masyah kat kat lyis dah noeulo jens teh luiq las pyo das.

³Ngos hauh muh bweh nhang nyeih lyis namoq gas lhung bang lyis ung das las, nyamoq gas namoq dah khyei o mha dah tsohmop teh nghuot das.

⁴Israel dius jens dvnganh domsyos gyo das xiklyis Sina boms mas ngos ngah jyeidwis Moshe lhyi yah dyei toh dah lyi yahge tyingtoh dang dah jyauh cho lhyi soh geh.

⁵Nghuot laus eq hau kuhxing lha gyukphoh dah YHENSAIN buisnyeis ma jweh shih lyis ngos namoq jyank mas lvpe Eliya lyis nhang das.

⁶Nyang gas uwus moq yahge lo jens dvgeh doms shwih los das. Housoeh ma nghuot lyis gas ngos namoq dah mau lyis los mhont chah das, ge.