Read Achang MATHE 1 Bible Online

MATHE 1 - Achang bible

MATHE 1

¹Maussauh haih zis gas Abraham dah nyei nyet, Dawi dah lo Yesu Khristu dah diuscaiq shap zis nghuot.

²Abraham mas yaus zis Isak; Isak mas yaus zis Yakop; Yakop mas yaus zis Yuda yahge nyah vmang vnoeuh moq;

³Yuda gas Pere yahge Zera lyis Tama masyah yaus zis nghuot. Pere mas yaus zis Hezron; Hezron mas yaus zis Ram;

⁴Ram mas yaus zis Aminadab; Aminadab mas yaus zis Nashon; Nashon mas yaus zis Salmon;

⁵Salmon gas Boaz lyis Rahab masyah yaus zis nghuot. Boaz gas Obed lyis Rutha masyah yaus zis nghuot. Obed mas yaus zis Yese;

⁶Yese mas yaus zis hwankti Dawi; Dawi gas Solomon lyis Uria dah yhensain nyhiq nghuot ku soeu masyah yaus zis nghuot.

⁷Solomon mas yaus zis Rehoboam; Rehoboam mas yaus zis Abiya; Abiya mas yaus zis Asa;

⁸Asa mas yaus zis Yehoshaphat; Yehoshaphat mas yaus zis Yehoram; Yehoram mas yaus zis Uzia;

⁹Uzia mas yaus zis Yotham; Yotham mas yaus zis Ahaz; Ahaz mas yaus zis Hezekia;

¹⁰Hezekia mas yaus zis Manase; Manase mas yaus zis Amon; Amon mas yaus zis Yosia;

¹¹Babilon mau pheh jons loh las nyeis dah uhlyis Yosia mas yaus zis Yekhonia yahge nyah vmang vnoeuh moq;

¹²Babilon mau pheh jons loh thang lhyi Yekhonia mas yaus zis Shealtiel; Shealtiel mas yaus zis Zerubabe;

¹³Zerubabe mas yaus zis Abiud; Abiud mas yaus zis Eliakim; Eliakim mas yaus zis Azor;

¹⁴Azor mas yaus zis Zadok; Zadok mas yaus zis Akhim; Akhim mas yaus zis Eliud;

¹⁵Eliud mas yaus zis Eleazar; Eleazar mas yaus zis Mathan; Mathan mas yaus zis Yakop;

¹⁶Yakop mas yaus dah Yosep gas, Khristu ge dah Yesu lyis khoeu kat soeu Mari dah yhensain phoq nghuot.

¹⁷Housoeh diuscaiq dvnganh lyis Abraham masyah Dawi jweh shoq dvci nyei caiq; Dawi masyah Babilon pheh jons loh yvmas jweh shoq dvci nyei caiq; Babilon pheh jons loh masyah Khristu mas jweh shoq dvci nyei caiq tsain nghuot.

¹⁸Gvshih Yesu Khristu khoeu los cho ka heisoeh ge: Nyah ungwes Mari gas Yosep xiklyis kwank toh zis, nyah aiq yuk ma zomhgoh shih lyis Gyingshang Dyos masyah, Mari dah ung mha loshang bos los zis lyis tsain seq.

¹⁹Gvshih nyah yhensain phoq Yosep gas dan soeu nghuot yvmvyah, Mari lyis svbih xikkhonh mas xoq ma mes lhoeu phuh las tsoek yah she tyamp das, ge nghamh thyet.

²⁰Nghuot laus eq nyang haih zis lyis nghamh yoeuh nyeis lyis, yoeuh aq,YHENSAINdah loeuswons soeu nyang lyis yhetmoq mas nyvng xoeuq las taiq zis gas, Dawi dah lo Yosep eh, nvng Mari lyis nah yhensain nyhiq khyvlyis yoeus das xiklyis vgyuk: nyang loshang gungs lyis chi zis gas, Gyingshang Dyos masyah nghuot.

²¹Nyang gas yukgis lo khoeu los das, nvng gas nyah nyings lyis YESU oen yoh nyhink dyei das: khasoeh ge lyis, nyah vnyau vshih lyis nyamoq dah yaunos masyah khyuot yoeus das.

²²Gvshih haih cho dvnganh Yhensain dah lvpe mhayah taiq toh dang nyuk los bas jungh, ge bweh los.

²³Houka: Yoeuh aq, lonyi gyingh gas loshang gungs lyis chi lha yukgis lo khoeu los das; nyah nyings lyis Immanuel ge lui das, ge. Hauh vjyuk gas Mangso ka ngamoq yah dvgeh nyeis, ge zis nghuot.

²⁴Yosep yhet masyah toq los las,YHENSAINdah loeuswons soeu taiq toh zis yah dvyhangteh, nyah yhensain nyhiq lyis yoeus.

²⁵Nghuot laus eq Mari nyah loxeih yukgis lo ma khoeu dvchank nyang yah ma zomhgoh. Yosep gas, nyah nyings lyis Yesu ge nyhink dyei.