Read Achang YOSHUA 19 Bible Online

YOSHUA 19 - Achang bible

YOSHUA 19

¹Simon vkoq yhenbang gas doeugoh zis yah maunyeis aiq vboms lyis xauh yoeus. Nyamoq dah vso maunyeis gas Yuda jens dah vso maunyeis vkhau mha nghuot.

²Nyamoq vso maunyeis mas bos dah wus gas, Besheba, Sheba, Molada,

³Haza Shua, Bala, Ezem,

⁴Eltolad, Bethul, Horma,

⁵Ziklag, Bet Markhabot, Haza Susa,

⁶Bet Lebaot yahge Sharuhen: nyamoq dah vyvm vwi wukhau jens yah dvgeh dvci somh wus:

⁷Ain, Rimon, Ether, Ashan: nyamoq dah vyvm vwi wukhau jens yah dvgeh nyei wus:

⁸Mautyi pheh Rama ge Balat Beer jweh shoq haih wus dvnganh dah vyvm vwi wukhau tsain bos. Heika Simon vkoq yhenbang vso khyvlyis xauh yoeus dah maunyeis nghuot.

⁹Yuda jens lyis dyei dah mau gas nyamoq xiklyis nyo lvm. Housoeh las nyamoq dah maunyeis Simon vkoq lyis dvkhamh dyei.

¹⁰Maunyeis somh vboms gas Zebulun vkoq yhenbang lyis dyei. Nyamoq xauh yoeus dah mau gas Sarid jweh shoq nghuot.

¹¹Hou mhayah nyamoq dah maukyo ka buiswvng shot Mareal pheh loh las Dabashet nvm mas jweh thang lhyi Yokneam wus buisthuq pheh dah jeislvng mas jweh.

¹²Tsai buisthuq pheh xoeu lha Sarid masyah Kislot Tabor wus, hou mhayah Daberat yahge Yaphia wus pheh loh.

¹³Hou mhayah buisthuq pheh tsoq loh las Gat Hepha yahge Et Kazin, Rimon wus mas thank. Hauh thang lhyi hauh maukyo ka Nea wus pheh xoeu loh.

¹⁴Nea masyah mautsung pheh doms doq zis Hanathon wus pheh tsoq loh las Ipta El langhkhau mha thank.

¹⁵Haih maukyo khau mha Katat, Nahala, Shimron, Idala yahge Betlehem[9] wus bos. Nyamoq dah vyvm vwi wukhau jens yah dvgeh dvci aiq wus nghuot.

¹⁶Haih mau mas joq dah wus jens yahge nyamoq dah wukhau jens gas Zebulun vkoq yhenbang khyvlyis xauh yoeus dah vso nghuot.

¹⁷Maunyeis nyei vboms gas Isakha vkoq yhenbang lyis dyei zis nghuot.

¹⁸Nyamoq dah mau mas bos zis gas Yezrel, Khesulot, Shunem,

¹⁹Hapharaim, Shion, Anaharat,

²⁰Rabit, Kishion, Ebez,

²¹Remet, En Ganim, En Hadad, yahge Bet Pazer.

²²Nyamoq dah maukyo ka Tabor boms, Shahazuma wus, Bet Shemesh wus mas jweh las Yodan lvng mas thank. Nyamoq dah vyvm vwi wukhau jens yah dvgeh dvci khyuk wus nghuot.

²³Hai wus jens yahge nyamoq dah wukhau jens gas Isakha vkoq yhenbang khyvlyis dah vso nghuot.

²⁴Maunyeis oeng vboms gas Asher vkoq yhenbang lyis dyei zis nghuot.

²⁵Nyamoq dah mau mas Helkat, Hali, Beten, Akshap,

²⁶Alam Mele, Amad, Mishal wus tsain bos. Buiswvng pheh dah maukyo ka Khamel Boms yahge Shihor Libnat wus mas jweh.

²⁷Hauh thang lhyi buisthuq pheh tauh las Bet Dagon wus, Zebulun maukyo Ipta El langhkhau mha jweh. Tsai, mautsung pheh Bet Emek yahge Neiel jweh. Houka mautsung pheh Khabul jweh shoq tsoq loh.

²⁸Hauh thang lhyi Ebron, Rehob, Hamon, Kana, Sidon zainsmuh jweh shoq nghuot.

²⁹Hauh maukyo ka Rama pheh xoeu loh thang lhyi goeng dah Taire wus jweh. Housoeh Hosa pheh xoeu loh las Mediteranean thomh mas thank. Houmha Mahalab, Akzib,

³⁰Uma, Aphek, Rehob, nyamoq dah wukhau jens yah dvgeh aiqci aiq wus bos.

³¹Wukhau yah dvgeh haih wus jens gas Asher vkoq yhenbang xauh yoeus dah vso maunyeis nghuot.

³²Maunyeis khyuk vboms gas Napthali vkoq yhenbang lyis dyei zis nghuot.

³³Nyah maukyo ka Helep saiq kuh zains bos masyah dah Zananim, Adami Nekeb, Yamnia, Lakum jweh shoq loh las Yodan lvng mas thank.

³⁴Houmha hau maukyo ka buiswvng shot xoeu lha Aznot Tabor lai las Hukok mas jweh; Mautyi pheh Zebulun mau, buiswvng pheh Asher mau, buisthuq pheh Yuda mau, Yodan lvng jweh.

³⁵Ciank ci wus gas Zidim, Zer, Hamat, Rakat, Khineret,

³⁶Adama, Rama, Hazo,

³⁷Kedesh, Edrei, En Hazo,

³⁸Yiron, Migdale, Horem, Bet Anat, Bet Shemesh: nyamoq wukhau jens yah dvgeh dvci gau wus nghuot.

³⁹Wukhau yah dvgeh haih wus jens gas Napthali vkoq yhenbang nyamoq dah vso khyvlyis xauh yoeus.

⁴⁰Maunyeis nyhet vboms gas Dan vkoq yhenbang lyis dyei zis nghuot.

⁴¹Hauh maunyeis mas Zora, Eshtaol, Ir Sheme,

⁴²Sha Alabin, Aiyalon, Ithla,

⁴³Elon, Timna, Ekron,

⁴⁴Elteke, Gibethon, Balat,

⁴⁵Yehud, Bene Berak, Gat Rimon,

⁴⁶Me Yarkon yahge Rakon, Yopa vyvm vwi maunyeis jweh shoq bos.

⁴⁷Dan lo jens gas nyamoq dah maunyeis chithyuk las Leshem wus lyis loh zan. Housoeh zan yoeus las houmha dius jens lyis sat zis yah hauh wus sain yoeus. Nyamoq houmha nyeis las Leshem wus lyis nyamoq dah phauh thyeih dah nyings khyvlyis Dan wus ge thaiq nyhink.

⁴⁸Wukhau yah dvgeh haih wus jens gas Dan vkoq yhenbang nyamoq dah vso khyvlyis xauh yoeus.

⁴⁹Israel jens gas nyamoq maunyeis vso dye gvm lyis nyamoq gas Nun lo Yoshua xiklyis maunyeis dvboms dyei.

⁵⁰YHENSAIN taiq toh zis yah dvyhangteh Ephraim boms mas nyang sang dah Timnat Sera wus nyang lyis dyei. Nyang hauh wus lyis doms soq kuot las houmha nyeis.

⁵¹Haih goeu gas phudyei Eleaza, Nun lo Yoshua yahge Israel jens mas dah uhjyung jens Shilo wus, moq zvng khomh, YHENSAIN dah xikkhonh mas doeugoh las gvm dyei dah vso maunyeis sain nghuot. Heisoeh nyamoq hau gvm goh cho dye.