Read Achang YOSHUA 2 Bible Online

YOSHUA 2 - Achang bible

YOSHUA 2

¹Hauh thang lhyi Nun lo Yoshua gas thoenggus Shitim mhayah dius aiq yuk lyis tsoek yah nhang lha taiq kat zis gas, Khanan mau lyis, Yerikho wus mas jweh shoq joh loh yoeuh geh, ge. Nyah aiq yuk hauh wus mas jweh las Rahab ge nghe nyhiq yhen mha loh yhet.

²Yerikho hwankti ka hauh nyens lyis Israel dvyhamh hauh mau lyis joh yoeuh das xiklyis wvng los cho xauhgyo.

³Housoeh las Yerikho hwankti ka Rahab jyank mas dius nhang lha nyei zis gas, Nah yhen mha wvng los dah dius jens lyis shwih thuq los aq: nyamoq gas yah dah mau gonh lyis joh yoeuh bang nghuot, ge.

⁴Gvshih hauh vmesbih gas hauh yukgis aiq yuk lyis shung toh lho lha, Nyamoq heimha los gas los. Nghuot laus eq khalhye yah los zis ngos ma seq.

⁵Buis wvng las wus khomh nyheih shishenh lyis nyamoq thuq loh goeus, khapheh loh zis eq ngos ma seq kat, lvnyap chank khat geh, dons shih das, ge.

⁶Housoeh ge laus eq hauh aiq yuk lyis gas nyah yhen khung mha doq nhang lha jeikhyungh yau boms mas shung toh.

⁷Hwankti dah dius jens wus masyah thuq loh thang lhyi wus khomh nyheih goeus. Nyamoq gas Israel joh yoeuh bang lyis Yodan lvng goeu yvmas jweh shoq chank khat loh.

⁸Housoeh Rahab gas joh yoeuh vzomh ma yhet shih lyis yhen khung mha doq las,

⁹nyah aiq yuk lyis taiq zis gas, YHENSAIN ka haih mau namoq lyis dyei goeus zis ngos seq. Haih mau mas bang yuk khanghmuh namoq lyis gyuk dvn nyeis.

¹⁰Namoq Egutu masyah doq los yoq lyis YHENSAIN ka namoq xikkhonh mas Thomh Nes lyis khasoeh kanh nhang zis eq, Yodan lvng buisthuq pheh Amori hwankti Sihon yahge Og lyis khasoeh sat cho ngamoq xauhgyo goeus.

¹¹Ngamoq hauh zis xauhgyo lyis dvn, namoq gvng mas ngamoq womh ehnyet ma bos lo. YHENSAIN, namoq dah Mangso ka nyhang thank maukhung mha eq, haih nyeisjvng mas eq Mangso nghuot.

¹²Gvshih ngos nah aiq yuk lyis kuot dah jyehjuh xiklyis namoq eq ngah uwus dah yhenbang lyis jyehjuh chixoeuq das oen nyang mas maukhi geh, yoh loms dah vlho eq dyei khoq geh.

¹³Ngah ungwes uwus ngah vmang vnoeuh moq yahge nyamoq dah yhenbang lyis lhuiq kat das oen dangthoengh toh geh. Ngamoq lyis vsat nhang goh, ge.

¹⁴Hauh aiq yuk nyang lyis taiq zis gas, Ngamoq taiq khyvlyis ngamoq ma kuot lyis gas Mangso ngamoq kang lhyi yoeus tyamp bas jungh.[1] Nvng ngamoq kuot cho hank lyis eq ma taiq thuq das lyis, YHENSAIN ngamoq lyis hauh mau dyei lyis, ngamoq nvng lyis vlhomuh kuot das oen dangthoengh toh, ge.

¹⁵Rahab nyeis dah yhen ka wusciank khau pheh nghuot las yhen tyoyvm dvshot gas wusciank nghuot joq. Housoeh nyang hau aiq yuk lyis wusciank khomhbaiq cho twih yah xuot khyoq kat.

¹⁶Nyang taiq zis gas, Hwankti dah dius jens yah ma xauhgoh bas jungh, boms mau mas somh nyeih loh tamh khoq geh. Nyamoq tauh los thang lhyi dvloh geh, ge.

¹⁷Nyah aiq yuk nyang lyis taiq zis gas, Nvng ngamoq lyis dangthoengh toh nhang zis ngamoq chank das.

¹⁸Heika nvng kuot chah cho nghuot. Ngamoq haih mau mas jweh wvng los lyis hai nvng ngamoq lyis xuot khyoq dah twih nes nah khomhbaiq mas twih toh aq. Nah ungwes uwus, nah boekyis, nah uwus dah yhenbang dvnganh lyis nah yhen mha shwih toh aq.

¹⁹Dvyuk yuk yhen nghe pheh thuq las shei lhyi nyah yobos nyang kham bas jungh, ngamoq yvwons ma nghuot: yhen khau mha nvng yah dvgeh nghuot soeu nos loh lyis ka ngamoq yvwons yoeus das.

²⁰Nghuot laus eq ngamoq kuot cho dvyuk yuk lyis taiq lyis gas, nvng ngamoq lyis dangthoengh toh nhang cho ma chank das, ge.

²¹Nyang eq xamxonh las nyah aiq yuk lyis nhang kat. Nyah vzomh loh thang lhyi vmesbih gas hau twih nes lyis khomhbaiq mas twih toh.

²²Hau joh yoeuh vzomh eq boms pheh loh tamh joq. Hwankti dah dius jens eq somh nyeih dvkhau yah xo laus eq ma nyvng las Yerikho wus pheh tsain tauh loh.

²³Housoeh las hau joh yoeuh vzomh eq boms masyah gyoh las thyitvp goeu zis yah Nun lo Yoshua jyank mas tauh jweh loh lyis nyah aiq yuk mas bweh cho dvnganh taiq kyoh.

²⁴Nyamoq Yoshua lyis taiq zis gas, YHENSAIN ka hau mau gonh yang lyis dyei goeus. Houmha nyeis bang dvnganh gas yang lyis gyuk nyeis, ge.