Read Achang TITU 3 Bible Online

TITU 3 - Achang bible

TITU 3

¹Munghdan lyis guon bang yahge toeuh bos bang dah o mha gyoh las domsyos gyo nyeis das nyhenshang eq, gis dah muhzoh khanghmuh lyis kuot das xiklyis cicont nghuot joq das nyhenshang eq, nah phung dius jens lyis taiq kyingh nyeis aq.

²Hank lyis eq ma gis zis ma taiq, nyenstap khyvlyis dapgoh nyeis das zis yahge dvnganhmoq lyis vjangh noeuh nhamp ehnyet Chixoeuq nyeis bas jungh, nyamoq lyis taiq kyingh nyeis aq.

³Khasoeh ge lyis yang eq gohlhain ka koh, domsyos ma gyo zis yah chowhang whang bang nghuot. Yang gas gungsshoh dah obos zis yahge pyo cho vja ja chank kuot las hauh jons duot ku. Yang mas vjangh yah hoeng lha noh cho bos, nyang changh nyang hoeng goh bang tsain nghuot.

⁴Nghuot laus eq yah khyuot yoeus soeu Mangso dah nhaiqbos cho yahge jyetdap cho thuq los uhlyis,

⁵Yang gas khyuot yoeus zis xauh goeus. Hauh zis gas yvnyang kuot dah gis muhzoh gvng mas ma nghuot, nyah nhaiqnyen jyehjuh gvng mas dvnghuot. Hauh jyehjuh gas Gyingshang Dyos masyah jeis yah doms khoeu lha kang saiq xauh yoeus cho nghuot.

⁶Yah khyuot yoeus soeu Yesu Khristu gvng mas Mangso ka yah thoq mas Gyingshang Dyos magons magoh huot khyoq dyei.

⁷Heisoeh kuot cho ka, yang gas nyah jyehjuh yah Mangso nhaiqdoeus cho kham yoeus las yang nghamhloms nyeis, vcaiq vto kang xauh sain yoeus das xiklyis nghuot.

⁸Haih dang gas wontang. Mangso lhyi lomsjingh bang gas dius yuk khanghmuh xiklyis gis las vkyuh bos muhzoh thoq mas taiq goeus dah cho jens lyis nhaiq wvng zis yah shishenh dyei las kuot nyeis bas jungh.

⁹Nghuot laus eq vkyuh ma bos vkoh vpaq nyei, taiq phyen-goh dah nyeidang, xing dah sungson phant cho, lyi yah sen lha dyoqgoh cho lhyi jhank aq: khasoeh ge lyis hauh goeu gas vkyuh ma bos, vkom dvnghuot.

¹⁰I loh gang lvn loh cho bweh nhang soeu lhyi dvlhain aiq lhain taiq kyingh zaih nhang thang lhyi ka nyang tsoq goh cho gohtoeu cha vkuot lo.

¹¹Housoeh teh soeu ka, dyoqbis loh las nyah yaunos gas nyang yobos yoh soeu nghuot yvlyis kanghjyoeng chixoeuq las nyang dang thang thyetzo nyeis yvlyis nvng seq.

¹²Ngos nah jyank mas Artema yahge Tichiku dvyuk yuk nhang kat lyis, Nikopoli wus mas ngos lyis los zes langh das zis yoh yomkat nyhoq yomkat aq: khasoeh ge lyis hauh wus mas cungh nyeis ku das oen nghamh thyet toh.

¹³Lyi dat Zena yahge Apolo lyis nyah aiq yuk dah gyung yoh suh das xiklyis chokhoq ma luk ma duons ma mus bas jungh, nyah aiq yuk lyis luk luk pangh kat aq.

¹⁴Zo das, wuot das, nyeis yap das cho xiklyis jyoengh chah nyeis bang lyis yoh dyei shoq yah dius jens gis dah kang khoeu muh kuot yvmas nyamoq dah shishenh lyis seq yhung bas jungh oen zis yahge nyamoq gas vkyuh ma bos dah kang dwis cho ma kuot bas jungh jyauh aq.

¹⁵Ngos yah dvgeh nyeis bang dvnganhmoq gas nvng lyis jeshuh kat. Lomsjingh cho mha ngamoq lyis jyetdap bang lyis bos jeshuh dyei aq. Jyehjuh gas namoq dvnganhmoq yah dvgeh joq bas jungh. Amen.