Read Alladian KEYUM KERO 36 Bible Online

KEYUM KERO 36 - Alladian bible

KEYUM KERO 36

¹Edom emlate mínnam Esauke otíng-oyine si:

²Esaubí sim mime kídísim méngpe bomto. Kanaan lokke mime, Hittit ami Elonke ome Adah; Hibit ami Jibeonke oo Anahke ome Oholibamah;

³delokke Ishmaelke ome, Nebaiothke bírme Basemath bulu.

⁴Adah bí Eliphajme oto; Basemathbí Reulme oto,

⁵delokke Oholibamah bí Jeush, Jalam melang Korah me oto. Si oo kídí si Kanaan amolo Esauke onam kídíe.

⁶Delokrodem Esaubí, bík mime kídíem, ome-oo kídíem simon-sili kídí emla Kanaan amonglo bík paanam ekuserang tabungem bomlangala, bík bíro Jakob kelok mootepe angukon amolo byakto.

⁷Bíkke dungko amode Jakob melang bíme ula yimape tapétla, bí byakgeto. Bínyi simon-silie bojéko kabo sula duubo sula yimato.

⁸Depeila Esaubí adi among Edomlo duutoku.

⁹Edom ami lokke buku Esauke odonge.

¹⁰Esauke mime Adahbí bíkke oo Eliphajme oto, delokke bíkke mime Basemath bíkke oo Reul me oto.

¹¹Eliphaj oo pilngoko kato: Teman, Omar, Jepho, Gatam delokke Kenaj.

¹²Bík mime akon Timna kelok oo konko kato, dem Amalek emto.

¹³Esauke mimekon Basemathbí Reul emnam oo atelko kato delokke Reulke oo appiko kato: Nahath, Jerah, Shammah delokke Mijjah.

¹⁴Esauke mime Oholibamah, Jibeonke oo Anahke omede, bím oo angumko obito: Jeush, Jalam delokke Korah.

¹⁵Sikesi Esau keelok lenna opín-odong kídíe. Esauke opong yalumnam Eliphaj bí sok opín kídí sokke bukupe ito: Teman, Omar, Jepho, Kenaj,

¹⁶Korah, Gatam delokke Amalek. Si tabung si Esauke mime Adah keelok lenne.

¹⁷Esauke oo Reulbí sok opín kídí sokke bukupe ito: Nahath, Jerah, Shammah delokke Mijjah. Si tabung si Esauke mime Basemath keelok lenne.

¹⁸Esauke ato abu Anahke ome Oholibamah kelok lenna opín kídíe: Jeush, Jalam delokke Korah.

¹⁹Si opín tabung si Esau kelok lento.

²⁰Among delo duuna Horit ami Seir ke odonge sikesi: Lotan, Shobal, Jobeon, Anah,

²¹Dishon, Ejer delokke Dishan.

²²Lotanbí Heman opín lokke bukue delokke bí Timna emnam bírme kote katuai.

²³Shobal ke oo kídíe: Alban, Manahath, Ebal, Shepho delokke Onam.

²⁴Jibeonke oo annyiko kato: Aiah lang Anah (si Anah emnam si, bíkke abuke gadoem kaabom dungem moonamlo, iigaana asi sirungko kaapato).

²⁵Anahbí Dishon ke abue. Dishon bí, Hemdan, Eshban, Ithran delokke Sheran opín kídíke bukupe ito.

²⁶Anahkom Oholibamah emnam ome ko kato.

²⁷Ejerbí Bilhan, Jaaban delokke Akan opín kídíke bukue.

²⁸Dishonbí Uj delokke Aran kídíke bukue.

²⁹Edom among lokke Horit ami kídíke opín kídíe:

³⁰Lotan, Shobha, Jibeon, Anah, Dishon, Ejer delokke Dishan,

³¹Israello roja atí kamang adape, Edomlo sikesi rojape ina kídíe:

³²Dinhabah lokke Beorke oo Bela bí Edomlo rojape ito.

³³Belake sirodem, Bojrah doolung lokke Jerake oo Jobab bí rojape ito.

³⁴Jobabke sirodem, Temah among lokke Husham rojape ito.

³⁵Hushamke sirodem, Moab among lokke Midian ami kídíem mimaklo ikumna Bedadke oo Hadadbí rojape ito. Bíkke doolung bottena dem Abith emtuai.

³⁶Hadadke sirongem, Masrekah lokke Samlah rojape ito.

³⁷Samlahke sirongem, Rehoboth korong among lokke Shaul rojape ito.

³⁸Shaulke sirongem, Akhborke oo Baal-Hanan rojape ito.

³⁹Akhborke oo Baal-Hananke sirongem, Hadar rojape ito. Bíkke dungangko doolung luune dem Pau emtuai. Bík mime amíne Mehetabel, bí Matred ke ome delokke Mejahab ke otene.

⁴⁰Edom among lokke moole-moole lokke Esau kelok lenna opín-odong kídíe: Timna, Albah, Jetheth,

⁴¹Oholibamah, Elah, Pinon,

⁴²Kenaj, Teman, Mibjar,

⁴³Magdiel lang Iram. Sike sokke opín odong dungko moolop kídíemte opín-odong amínpe mínlíktuai. Si Edom opín tabung si Esau kelok lenne.