Read Alladian KEYUM KERO 39 Bible Online

KEYUM KERO 39 - Alladian bible

KEYUM KERO 39

¹Josephme Ijiptlo entokbola, Pharaohke migom kídí ara lokke, sontori kídílok képtén, Ijipt ami Potiphar bí Josephme bépar ina Ishmael ami kídí delok reto.

²RUUTUM bí Joseph kelo yémín gela bí edíí-sirípe ilento, delokke bíkke Ijipt lokke ruutum ekumlo bí duuto.

³Bíkke teyolo RUUTUM yémín gela, bíkke agér tabulo edíí-sirí namem, bíkke ekum ruutumde kaala,

⁴Josephme mííbala bí agíke tomlík líkke nampe ito. Potiphar bíme ekumem kaabomnape ilíkla, bíkke ekuserang tabudem Josephke alag aradelo melíkto.

⁵Bíme ekum-erang delokke ekuserang tabungem kaabomdope irong delokke ila Ijipt amidem Josephke legape RUUTUM bí utepooroem ruulíkto. Potipharke ekum-erang lolang arík among daadiloope RUUTUM ke utepooroe kato.

⁶Depeila bí ato-siro tabudem Josephke alag aralo melíkla, tíínam-donam kékonlo, bí atí ankímape ito. Josephbí amíle kamponakuai.

⁷Longe ayoko irodem, bík ruutum mimede bím kaabola, bíkkíng immín gedope tomsuto.

⁸Idola bí tatmato, delokke bím poto, “Kaatola ngo so duutoname, ngok ruutume atí ankí kamape ekum-erang so bíkke ato-siro tabungem ngokkíng bilíktung,

⁹Dekepeila nokke kékonlo, bík akampe ngo ekum-erang teyoso agom-aang poladung. Dekepe iko delo kape kísa sikena deemana agérem ila, Shédíke keralo paab iyén?”

¹⁰Bí Joseph me loodípe ibbo sudope tomtílate, bíkkíng Joseph immín gemato, delokke anínlote aamato.

¹¹Longe konem bí, agér ipe emla ekum delo aato. Ekumde ami abídyang kamato.

¹²Delo mimede bím galuk lok hobom dola posito, “Ippulo ngokkíng aamín getokula.” Idola galuk dem bí mime alag delo bítpak sugeyéla, ekum luyupe dugnyok gelento.

¹³Edílo mimede, bík alaglo Joseph bí agí galugem melík geyéla dugnyok gekunamem kaatodí,

¹⁴bí ekum delokke béérang kídíem tomgosula poto, “Kaatola, ekumso ngokke miloke Hibru ami laanganam si ngolume ipusiléédung. Bí ngokke pírteklo aala ngome yéépe em ito, idola ngokke ralnam takamlok ngo ulo jérto.

¹⁵Ngok ulo jérdud em tatsu geyéla, bí galugem ngokkíng melík pala ekum luyupe duklen gekai.”

¹⁶Depe manla mimede, galuk dem bíkke ruutumde ekumlo aadoku deloope metíto.

¹⁷Bík píírong kudem, dooying em mimede popa bitoku, “Nokke Hibru ami laanganamde ngome iyé-silé kape emla aatoka.

¹⁸Idola edílo ngo ulo gogtodí delo bí agí galugem melangala ekum luyupe duglen gekaku.”

¹⁹Josephke ruutumde mime delokke, “Nok abílde ngome sikepemin itone,” emla pokan kunamem tatla yagorupe marto.

²⁰Josephke ruutumde bíme gagla roja lokke patek ami duupomko delo patek líkto. Idola patek aradelo Joseph kíng RUUTUM bí yémín geto.

²¹Patek aradelo RUUTUM ke utepooroe duumín gela, patek ruutumde Josephme airupe mííbato.

²²Depeila patek ruutumde Josephme pateklo duuna ami takam teyolo kaabom dopelang, patek ara delokke agér tabungem, bím kaadope bíkkíng melíkto.

²³Josephke kaabom-tatbom kolok patek ruutumde asar aloope yéto, kapeila RUUTUM bí Joseph kíng yémín geto delokke Josephke agér iko takamlo edíí-sirí moto.