Read Alladian KEYUM KERO 46 Bible Online

KEYUM KERO 46 - Alladian bible

KEYUM KERO 46

¹Depeila Israelbí ekurang takamem leemo geyéla, bí Beershebalo bíkke abuke Shédíme ipakko ibipoto.

²Delo yoh delo Shédíbí kaarí-kaanyo kolo, “Jakob,” emla gogkolok, “Sina ngo,” emla bí poyansuto.

³Delo Shédíbí lupoto, “Ngomin Shédí, nokke abuke Shédíbí. No Ijiptlo toknamem peso mapeka, kapeila belo ngo opín bottenakope nome imoyé.

⁴Nokkíng lekope ngo Ijiptlo enmín geyé, delokke arope nome lekoda aalat boyéku. Delokke Josephke keralo no aapí eetetpe siyé.”

⁵Delok rongem Jakob Beersheba lok gílento. Pharaohke melíknam gaari kídídelo, Israelke oo kídíde bím lang buluk koo aména kídídem delokke mime kídídem melíkla,

⁶Kanaan amolo buluke paanam ekurang kídíemla gooru, sobén, mér kídíem laalangala Ijiptpe ento.

⁷Jakobbí bíkke oo kídíemla buluke oten ome-oo kídí tabungem lekope Ijiptlo tokboto.

⁸Sikesi Israel amínem gebona, Ijipt amope gína Jakobke oo kídíke amíne: Jakobke obíyalume Reuben.

⁹Reubenke oo kídíe: Hanok, Pallu, Hejro lang Karmi.

¹⁰Simeonke oo kídíe: Jemuel, Jamin, Ohad, Jalin, Johar delokke Kanaan mime onam oo Shaul.

¹¹Lebike oo kídíe: Gershon, Kohath delokke Merari.

¹²Judahke oo kídíe: Er, Onan, Shelah, Perej, Jerah. (Idola Er lang Onan bínyi Kanaan amolo sikai) Perejke oo kídíde: Hejron lang Hamul.

¹³Issakharke oo kídíe: Tola, Pubah, Jashub delokke Shimron.

¹⁴Jebulunke oo kídíe Sered, Elon delokke Jahleel.

¹⁵Sikesi Paddan-Aramlo Leahke ome, Dinahke kékonlo onam oo kídíe. Buluke ome-oo kídí handume midum íying angumkola angumko.

¹⁶Gadke oo kídíe: Jephon, Jaggi, Shuni, Ejbon, Eri, Arodi delokke Areli.

¹⁷Asherke oo kídíe: Imnah, Ishbah, Esbhi lang Beriah. Buluke bírmede Serah. Beriahke oo kídíe: Heber lang Malkiel.

¹⁸Sikesi Labanke Leahme igul dope binam Jilpahke Jakobme obinam oo kídíe, bulu tabunge midum íying kolang akkéko ito.

¹⁹Jakobke mime Raselke oo kídíe: Joseph lang Benjamin.

²⁰Ijiptlo On uyuke miri Potipherake ome Asenath kelok Josephbí Manasseh melang Ephraim me oto.

²¹Benjaminke oo kídíe: Bela, Beker, Ashbel, Gera, Namaan, Ehi, Rosh, Muppim, Huppim delokke Ard.

²²Si takam si Raselke, Jakobme obinam oo kídíe. Bulu midum íying kolang appiko kato.

²³Danke ue Hushim.

²⁴Naphtalike oo kídíe: Jajiel, Guni, Jejer lang Shillem.

²⁵Sikesi Labanke Raselme igul dope binam Bilhahke Jakobme obinam oo kídíe, bulu tabunge midum kínídko ito.

²⁶Jakobke oo kídí lokke okunamem hantak sumape, Jakobke agí osunam oo kídíe bíkkíng lekope Ijiptlo tokmín gene midum íying akké kolang akkéko ito.

²⁷Ijiptlo Josephke okunam oo annyiem hantak sula, Ijiptlo Jakobke edung-erang tokna tabunge midum íying kíníd ko ito.

²⁸Goshenlo kaarík sudope Jakobbí Judahme Joseph kelo porung gemoto, delo bulu Goshen amolo pííto.

²⁹Buluke delo pííduem, Joseph bí agí guré gaarilok bík abudem kaarík kape emla Goshenlo gíto. Edílo bínyi kaarík sutodí, Joseph bíkke abuem alínglok gomla oolrungko kapto.

³⁰Josephme Israel poto, “Nom ngo turdung emla kaasu rongkudem, ngo supak sidokom aiyé.”

³¹Delo Josephbí, bíro kídí demla abu lokke edung-erang tabungem poto, “Ngo Pharaoh kíng gíla, ‘Kanaanlo duuna ngok bíro kídíela, abu lokke edung-erang tabunge ngokkíng píídung,’ emla bím pokanyé,

³²‘Bulu simon-sili kaabomne, delokke gooru, sobén emlang mér kídíem delokke buluke bomnam ato-siro tabung emte giiyin tokdung,’ emlate popabiyé.

³³Edílo Pharaoh nolum tomala, ‘Nolu íngko agér ineke?’ emla ííyédí,

³⁴nolu sipe poyan sutopíam, ‘Nok béérang kídí ngolu, abu kídí ikampe, koo lokkai simon-siliem isaana amie,’ delo nolum Goshen among regolo duumoyé, kapeila sikepe simon-sili kaabomla yénem Ijipt kídíe belumdung.”