Read Alladian KEYUM KERO 5 Bible Online

KEYUM KERO 5 - Alladian bible

KEYUM KERO 5

¹Simoko Adamke otíng-oyine. Edílo Shédíbí taniem pítodí delo tanime bí Shédíme gesudope pílento.

²Ingkona longelo bí pítodí, delo milopelang mimepe píla utepooro lubéélíkla tani emto;

³Adambí dítak língko kolang íying angumko idoem bí bím gesuna, bík migmo kísana ooko olenla, bím Seth emla amínem mínlíkto.

⁴Sethke abupe ila dítak língko píínyiko irongem Adam ome-ue ayoko kato.

⁵Adambí dítak língko konang kolang íying angumko turpala sikai.

⁶Edílo Sethbí dítak língko kolang takngoko yétodí, bí Inoshke abupe ito.

⁷Inoshme orongem Sethbí dítak língko píínyi kolang dítak kínídko turla ome-ue ayoko kato.

⁸Sethbí dítak língko konang kolang takying kolang taknyiko turpala sikai.

⁹Edílo Inoshbí takying konang todí delo bí Kenanme oto.

¹⁰Kenanme orongem dítak língko píínyi kolang takying kolang takngoko Inoshbí turla ome-ue ayoko kato.

¹¹Inoshbí dítak língko konang kolang takngoko turpala sikai.

¹²Edílo Kenanbí takying kínídko delo yétodí bí Mahalalelke abupe ito.

¹³Mahalalelme orongem dítak língko píínyi kolang takying appiko Kenanbí turla ome-ue ayoko kato.

¹⁴Kenanbí dítak língko konang kolang takyingko turpala sikai.

¹⁵Edílo Mahalalelbí takying akké kolang takngoko yétodí delo bí Jaredke abupe ito.

¹⁶Jaredme orongem dítak língko píínyi kolang takying angumko Mahalalel bí turla ome-ue ayoko kato.

¹⁷Mahalalelbí dítak língko píínyi kolang takying konang kolang takngoko turpala sikai.

¹⁸Edílo Jaredbí dítak língko kolang takying akké kolang taknyiko yétodí delo bí Inokke abupe ito.

¹⁹Inokme orongem dítak língko píínyiko Jaredbí turla ome-ue ayoko kato.

²⁰Jaredbí dítak língko konang kolang takying akké kolang dítak annyiko turpala sikai.

²¹Edílo Inokbí takying akké kolang takngoko yétodí bí Methuselahke abupe ito.

²²Methuselahme orongem dítak língko angumko Inokbí Shédíkíng yébosula ome-ue ayoko kato.

²³Inokke yénam dítage língko angum kolang takying akké kolang takngoko yéto.

²⁴Inokbí Shédíkíng yébosula bí nyokkai. Kapeila Shédíbí bím laasito.

²⁵Edílo Methuselahbí dítak língko kolang takying píínyi kolang dítak kínídko yétodí, delo bí Lamekke abupe ito.

²⁶Lamekme orongem dítak língko kíníd kolang takying píínyi kolang taknyiko Methuselah bí turla ome-ue ayoko kato.

²⁷Methuselah dítak língko konang kolang takying akké kolang dítak konangko turpala sikai.

²⁸Edílo Lamekbí dítak língko kolang takying píínyi kolang taknyiko yétodí delo bí ooko oto.

²⁹Delo oo delokke amínem Noah emla míndola sipe posuto, “RUUTUM ke pélíknam amongso, ngoluke agí alag kídísok agér idírsunamlok bí ngolum asarmoyé.”

³⁰Noahme orongem dítak língko pilngo kolang takying konang kolang takngoko Lamekbí turla ome-ue ayoko kato.

³¹Lamekbí dítak língko kíníd kolang takying kíníd kolang dítak kínídko turpala sikai.

³²Noahbí dítak língko pilngoko yérongem Shem, Ham delokke Japhethke abupe ito.