Read Alladian 2 SAMUEL 23 Bible Online

2 SAMUEL 23 - Alladian bible

2 SAMUEL 23

¹Jesse ke oo Dabid bí Shédíke bottemoname. Bí Jakob ke Shédíke rojape ullenname, delo bí Israel legape tatpo-kampona miriem atbo-lubone. Sikesi Dabid ke poyin agom kídíe:

²“RUUTUM ke aide ngokke lok agomem polendung, bíkke ngiitome ngok nabbél si kadung.

³Israel ke Shédíbí podung, Israelem mopítna bí ngom podung: arolok yébona roje, Shédíke míínampe yébone.

⁴Doomug kamape arsanglo doonyi angun kísape, delokke teyolo doonyie íínyinglo asirnam kísape angundung.

⁵“Dekepemin Shédíbí ngok otíng-oyinem utepooruem lulíkyéne, kapeila bí ngokkíng yéyarpena daapongko, delokke ben-yi pemanam bonyingko ibosutung. Simin ngok mííbomname, simin ngok ikumnampe iyéne, Delo Shédíbí sikesim apíng moyérung.

⁶Idola Shédíme mínggemana kídíde yoppak penam tang kísadung.

⁷No arem ekurang mangkom gíníng kolok ina rupe aiyé; bulume apíí-píílí emelo romnyokyé.”

⁸Sikesi Dabid ke amín kana maglíng kídílok amín kídíe: kera yalumpe Takhemon lok Josheb Basshebeth, bí maglíng ruutum Angum lokke ruutume.[14] Bí bík gíníng lok língko píínyi amiko mimak makrum atello momínsula petyinto.

⁹Amín kana Angum aralok annyinape, Ahoh opínlok Dodo ke oo Eleajar. Longe konem bí lang Dabid mimak legape gídumsuna Philistain em mimak idope pokísuto, idola Israel ami kídíe ngétlat sutoku.

¹⁰Idokom bí bík yoksaem alaglo lakpémape bomgaplado loríloope dakla, Philistain kídarem imínsuto. RUUTUM bí delo longe delo botteruna ikumem Philistain teyolo imoto. Dem takam iyinrodem, Israel ami kídíe Eleajar kelo aalat sulangkula, simang kídí delok mimak leemoem pítbínto.

¹¹Amín kana Angum delok angumnape, Harar lok Agi ke oo Shammah bí. Philistain kídíe péron arík kako Lehilo dumsuto. Israel ami kídíe Philistain lok duggetoku,

¹²idola Shammah agí arík amonglo dagdola agí amongem Philistain kídíem petla mopítsuto. RUUTUM bí delo longe delo botterupe ikumboto.

¹³Ali ising-sasingkupe ido delokke ayirlo, Íying Angum lok Angum si Dabid ke dungko Adullam ke bupíklo tokto. Dekepe iduem, Rephaim Yiibelo, Philistain maglíngko notko ila dungai.

¹⁴Delo moodí delo Dabid bí lííreng dííte kolo dungai, delokke Philistain opééko Bethlehem em laala duubomto.

¹⁵Dabid bí ekumem aang odola poto, “E ngom Bethlehem elok luyab ampengke asi déérung elok tíípenam asiko boma bikuna kuasai.”

¹⁶Amín kana sipaying angumde Philistain notko delok miram rupe enkokla, asieke asi déérung delok kaala, Dabid me bomabitoku. Idola bí dem tíímape igeyéla, RUUTUM kelope dem amanpe purlendola,

¹⁷poto, “RUUTUME, sim ngo edílokom tíílamayé. Sim tíímílo agí turnamem ankímape ibina ami kídí sokke iyyiem tíínam kísaname.” Dekepeila, bí dem tíímape ito. Sikesi amín kana maglíng ruutum angum delokke miramrupe agér gérnam kídíe.

¹⁸Joab ke bíro Abishai (buluke ane Jeruiah) bí amín kana Íying Angumlok ruutume. Bí bík gíníng lok, língko amiko mimak imínsula bulum petyinla, Íying Angum kékondelo amín kanape ito.

¹⁹Bí Íying Angum delokke amín kayayalumnape ila buluke ruutumpe ito, idola, bí Angum delokke amín kanam kísape amín kamato.

²⁰Kabjil lok Jehoiada ke oo Benaiah bí amín kana sipaying akonpe ito. Moab midu miramna annyiko bík petnam teyolo teng, bí abíd míínam agérem bojéko gérto. Tapame ido longe koloteng bí arung kolo tokla myomur simyoko mokato.

²¹Bí bodí-botterula, gíníng bomna Ijipt ami koteng petto. Benaiah singgil kolok, bím iyabomla Ijipt ami delokke gíníngem, bík alaglok rotla delok bím níkpetto.

²²Sikesi miram íying Angum delok akonpe ina, Benaiah ke miram agér kídíe.

²³Bí buluke aralo miram rampekyaduai, idola Angum delok kísape amíne kamato. Dabid bíme agí migíng sontorilok ruutumpe melíkto.

²⁴Joab ke bíro Asahel bí Íying Angum delok akonpe ito; Bethlehem lok Dodoke oo Elhanan,

²⁵Harod lok Shammah lang Elika,

²⁶Palti ami Helej, Tekoa lok Ikkesh ke oo Ira,

²⁷Anathoth lok Abiejer, Hushat ami Mebunnai,

²⁸Ahoh ami Jalmon, Netophah lok Maharai,

²⁹Netophah lok Banah ke oo Heleb. Benjamin kídíke amonglok Gibeah doolung lok Ribbai ke oo Ittai,

³⁰Pirathon lok Benaiah, Gaash rojik kídí lokke Hiddai,

³¹Arabah ami Abi-albon, Bahurim lok Ajmabeth,

³²Shaalbon lok Eliahba, Jasen ke oo kídí Jonathan,

³³Harari ami Shammah, Harari ami Sharar ke oo Ahiam,

³⁴Maakah lo duuna Ahasbai ke oo Eliphelet, Gilo lokke Ahithopel ke oo Eliam,

³⁵Karmel lok Hejro, Arabi ami Parai,

³⁶Jobah lok Nathan ke oo Igal, Gad ami Bani, Ammon ami Jelek, Jerubiah ke oo Joab ke mimak ekuserang em bomyabina Beeroth lok Naharai.

³⁸Ithri ami Ira lang Gareb,

³⁹Hittit ami Uriah: idumsula delo íying angum kola kínídko amín kana sipayinge kato.