Read Alladian 1 ODONG 14 Bible Online

1 ODONG 14 - Alladian bible

1 ODONG 14

¹Tur lok roja Hiram bí Dabid kelo kotokieke melíkla, bíme bí sidar esinglok, líísak pínalok, delo esing mistri kídíeke bíme ekumko mobidope melíkto.

²Dekepe ila delo Dabid, RUUTUM bí bíme Israel lokke rojape imokai, delokke bíkke among yétaem bík amisu legape edíí-sirí modung emla kénsukai.

³Jirusalemlo Dabid bí bojéko méngem laatemla ome-oo bojéko otoku.

⁴Jirusalemlo onam ome-oo amín kídare: Shammua, Shobab, Nathan, Solomon,

⁵Ibhar, Elishua, Elpelet,

⁶Nogah, Nepheg, Japhia,

⁷Elishama, Beeliada, delo Eliphelet.

⁸Edílo Dabidme Israel among takam lokke rojape imonamem Philistain ami kídare tattodín delo Philistain maglíngde bíme umpe gílento. Dekepeila, Dabid deme tatla, bulume imínsupe gílento.

⁹Philistain kídarde Rephaim Yiibelo pííla líílento.

¹⁰Dabid Shédíme tatkísuto, “Ngo Philistain kídí sim mimakpe aabom míloya? No ngome ikummoyédí?” Delo RUUTUM bí bím poyansuto, “Gílangka, ngo nome ikum moyé.”

¹¹Dekepeila Dabid bí bulum Baal Perajimlo mimak imínsula ikumto. Dabid poto, “Puumue pupaknam kísa ngokke alaglok miru kídarem Shédí bí ikum moto.” Sok legape among delokke amínem Baal Perajim[9] emlíkto.

¹²Edílo Philistain kídare duggetokudín, delo buluke uyu mimang kídíem mesuto, delokke dem tabung Dabid bí lulígla emepe rompakto.

¹³Depeirong deloteng Philistain kídare yiibe delo aalat sulangkula língaa bomtokukéng.

¹⁴Lekokuda Dabid bí íngkí sulangkula Shédíbí bíme poyansuto, “No bulume so duudola imín sumapeka; idola Balsam esing kídí ampeng arotkon delo bildolangkula bulum imínsupe irusutoka.

¹⁵Delo edílo no Balsam esing kídí teyong delo gídudem tatyédín, delo mimak dem maga bomtoka. Kapeila, ngo nokke keralo Philistain kídarem petpakpe gígeyé.”

¹⁶Shédíke lulíknampe Dabid bí ila, Gibeon lokke Gejer among loope Philistain kídarem petyinto.

¹⁷Dekepe ikolok Dabidke amínem moole mipíe kénkai, delokke RUUTUM bí among tabunge Dabidme pesodope imoto.