Read Alladian 1 ODONG 20 Bible Online

1 ODONG 20 - Alladian bible

1 ODONG 20

¹Dítak lokke dígín-díyu rísonde roja kídí lokke mimak igoodíe; depe idolo Joab bí sipaying kídarem gílenbola Ammon amongem mimak iaato. Idokom Dabid Jirusalemlo duuto. Bulu Rabbah luune dem mimak ibomla líípakto.

²Ammon kídíke uyu Molekke mimang [10] delo kilogram íying angum kolang appikope ina uun dumlupko kato. Dumlup delo are kanarung elíngko kato, deme Dabid bomlangkula bíkke agí dumluplo ilíktoku. Bí doolung delok líínam deddína ekuserang emteng laato.

³Bí doolung delo duuna amiem enbolangkula korot agérlo, kur-bélsa agérlo, delokke egíng kídí agérlo gérmoto.

⁴Dekepe irongem Gejerlo Philistain kídíem mimak makmín sutoku. So mimak so Hushah lok Sibbekai bí Sippai emnam migo-mimat otíngko petla, Philistain kídíem ikumto.

⁵Delo lekokuda Philistain kídíem mimak imínsula, Jairke oo Elhahan bí Gath lok Goliathke bíro Lahmime mokato. Lahmike gíníng atkongde gilgang kísanakuai.

⁶Mimage lekoteng Gath doolunglo maktoku. So mimak so migo-mimat lok otíngko, alag annyi lolang ale annyilokai lekéng-lakkéng apek genako kato.

⁷Edílo bí Israelem lukaatodín, delo Dabidke bíro Shammahke oo Jonathan bím petto.

⁸Dabid kelang bík ami kídí lok petnam migo-mimat angum si Gath lok migo-mimat otíng-oyine.