Read Alladian 1 ODONG 25 Bible Online

1 ODONG 25 - Alladian bible

1 ODONG 25

¹Dabid roja lang Lebi kídíem yégebona ruutum kídíe sim Lebi opín kídar sim kumnam agér iyém igebodope ulto: Asaph, Heman, delo Jeduthun. Bulu harp tapung kídí emla lupiyang kídíem batla-demla Shédíke políknamem pola ibopene. Rumkíng si opéé-opéépe agér akorlok, kumnam agérem igebopena ullennam ami amín kídare:

²Asaphke oo appie: Jakkur, Joseph, Nethaniah, delo Asharelah. Bulu roja lok lulígyém Shédíke políknamem pobina Asaphke polík aralo agérem gérto.

³Jeduthunke oo akkée: Gedaliah, Jeri, Jeshaiah, Shimei, Hashabiah delo Mattathiah. Bulu buluke abu Jeduthunke polík aralo harp tapung kídíem batla RUUTUMme yidge-ríngge miriem lula, Shédíke políknamem poboto.

⁴Hemanke oo íying kolang appie: Bukkiah, Mattaniah, Ujjiel, Shebuel, Jerimoth, Hananiah, Hanani, Eliathah, Giddalti, Romamti Ejer, Joshbekashah, Mallothi, Hothir, delo Mahajioth.

⁵Shédíbí rojalok kaalu miri Hemanme bottemope emla, bíme pébisunampe, oo íying kolang appiko, delokke ome angumko bito.

⁶Kumkeng Ekumlokke kumnam agérlo lekope bík oo tabunge buluke abu polík aralo lupiyang kídí delo harp tapung kídarem batlíkboto. Delokke Asaph, Jeduthun, delo Heman bulu roja lulíg aralo duuto.

⁷Si midum íying annyi kolang appi takam si miri-tapung ikolo ijing aloonekíai; delokke buluke Lebi aní-bíro kídí deteng tapung iyit-kényit sunekíai. Sandumsula bulu 288 amiko kato.

⁸Yaamé koolai mijinglai demangkom ijingna kídípe ilai iyil sulenna kídípe ilai, bulu takame buluke agér gérpenamem lotori sola idungai.

⁹Sim midum 288 sime buluke erang akorlok midum 12 pe ila 24 opéékope, opéé miyonglo igebona ruutumko ilíkla panto. Rumkíng si buluke agér gérdí akorlok opéé kídare: 1. Asaphke eranglok Joseph 2. Gedaliah 3. Jakkur 4. Jeri 5. Nethaniah 6. Bukkiah 7. Asharelah 8. Jeshaiah 9. Mattaniah 10. Shimei 11. Ujjiel 12. Hashabiah 13. Shebuel 14. Mattithiah 15. Jerimoth 16. Hananiah 17. Joshbekashah 18. Hanani 19. Mallothi 20. Eliathah 21. Hothir 22. Giddalti 23. Mahajioth 24. Romamti Ejer.