Read Alladian 1 ODONG 27 Bible Online

1 ODONG 27 - Alladian bible

1 ODONG 27

¹Si Israel opín lokke erang ruutum kídí emlang pínmík-ramík ruutum kídíem, delokke rojalok agér kídíem igebona ruutum kídíem atkumname. Dítak lokke poolo miyonglo 24,000 pe ina angu-angu opééko dada ila, delok poolo delokke legape ruutumpe inake lulíg aralo agérem bulu gértuai.

²Rumkíngke ami kídísi poolo-poolo lokke sipaying ruutum kídare: Kerang pooloke: Jashobeam, bí Jabdielke ue. (bí Judah lok opín konpe ina Perejke pínmík lokke amikuai.) Annyinana pooloke: Dodai, bí Aholike ue. (Mikloth bí bím nítmín gene.) Angumnana pooloke: Benaiah, miri Jehoiadake ue; bí “Íying Angum” delokke ruutume, (bíkke oo Amijjabadbí sokke ruutumpe bíme yétít míntoku.) Appinana pooloke: Asahel, Joabke bíroe (bíkke oo Jebadiah bíme yétít míntoku.) Pilngonana pooloke: Shamhuth, bí Ijharke ue. Akkénana pooloke: Ira, bí Tekoa among lokke Ikkeshke ue. Kínídnana pooloke: Helej, bí Pelon among lokke Ephraim amiko. Píínyinana pooloke: Sibbekai, bí Hushah among lokke (bí Judah opínkon lokke Jerah pínmíklok amikuai.) Konangnana pooloke: Abiejer, bí Benjamin opín amongke Anathoth doolung lokke. Íyingnana pooloke: Maharai, bí Netophah among lokke (bí Jerah pínmík lokke amikuai.) Íying kolang atelnana pooloke: Benaiah, bí Ephraim opín amongke Pirathon doolu(...)

¹⁶Sikesi Israel opín kídíem kebang yégebona kídare: [Opínlok amíne] — [Kebang yégebone] Reuben: — Eliejer, Jikrike ue. Simeon: — Shepathiah, Makahke ue. Lebi: — Hashabiah, Kemuelke ue. Aaron: — Jadok. Judah: — Elihu, Dabid rojake bíro kone. Issakhar: — Omri, Maikelke ue. Jebulun: — Ishmaiah, Obadiahke ue. Naphtali: — Jeremoth, Ajrielke ue. Ephraim: — Hoshea, Ajajiahke ue. Anggo Manasseh: — Joel, Pedaiahke ue Sanggo Manasseh: — Iddo, Jekhariahke ue. Benjamin: — Jaasiel, Abnerke ue. Dan: — Ajarel, Jerohamke ue.

²³RUUTUM bí Israel amiem taleng lok takar kídí kísape goobyak moyé emla pébisunam legape Dabid rojabí takying annyiem rumkíyana koo kídarem sankolo santak sulíkmato.

²⁴Jeruiahke oo Joab ami kídarem sanlen kítuai, idola sanyinmang. Shédíbí sikepe sankínam legape Israelem itung-iréto, dekepeila sannamdem Dabid rojake atkumko kitablo atlíkmang.

²⁵Sikesi roja ekurangem kaabomna ruutum kídare: Roja ekuserang kumsung kídarem: Ajmabeth, bí Adielke ue. Moomemlok kumsung kídarem: Jonathan, bí Ujjiahke ue. Arík ina kídíem: Ejri, bí Kelubke ue. Onggur arík kídíem: Shimei, bí Ramah doolung lokke. Onggur alang ilen koem: Jabdi, bí Shepham doolung lokke. Olib delokke Sikamor esing kídíem (anggodan dííte lebe lokkem): Baal Hanan, bí Geder doolung lokke. Olib tél kumsungem: Joash Sharon Yiibelok taro kídarem: Shirtai, bí Sharon doolung lokke. Yiibe kídílok taro kídíem: Shaphat, bí Adlaike ue. Uut simon kídarem: Obil, bí Ishmael amiko. Gado kídarem: Jehdeiah, bí Meronoth doolung lokke. Mér emla sobén kídarem: Jajij, bí Hagrit amiko.

³²Dabid rojake apang Jonathanbí poyil ségu kanarung, delokke kénnam kereng aloonakuai. Bí lang Hakmonike oo Jehiel bínyi roja oo kídíem poribola delokke kaabomne.

³³Ahithopel bí rojaem pogul-igulne; delokke Arkit ami Hushai bí roja lokke angonge.

³⁴Ahithopelke sirongem Abiathar lang Benaiahke oo Jehoiada pogul-igulnape itoku. Joab bí roja sipaying maglíngem yébona ruutume.