Read Alladian 1 ODONG 5 Bible Online

1 ODONG 5 - Alladian bible

1 ODONG 5

¹Sikesi Jakob ke oo obíngyalum Reubenke otínge (Oo obíng tuakom bí agí abulok éésiri akonem ketbosula, obíng tarongpe paapenam tabungem bí menyoksuto, delokke deme Joseph kelo bilíktoku.

²Dekepe idolateng, Judah bí abíng kumsu arang lokke migang-miram yalumpe ila, ruutumko takam opín legape len-gebito.)

³Israelke oo obíng Reubenke oo appiko kato: Hanok, Pallu, Hejron, delokke Karmi.

⁴Joelke oo kídare: Shemaiah, bíkke oname Gog, bíkke oname Shimei,

⁵bíkke oname Mikah, bíkke oname Reaiah, bíkke oname Baal,

⁶bíkke oname Beerah. Assiria lokke roja Tiglath Pileser bí Beerahme umnyok bomtoku. Beerah bí Reuben opín kídílok yébona ruutumkuai.

⁷Buluke opín-buang lokke edung-erang kídíem okor loge sikname: ruutumpe yébona Jeiel, delokke Jekhariah,

⁸Bela Ajajke ue, bí Shemake ue, bí Joelke ue. Si opín kídí si Aroerlo duula Nebo, delokke Baal-meon loope duuto.

⁹Gileadlo duudungem buluke bomnam simon-sili kídíde parbyakto, depeila bulu sanggodan yépol among lokke ila Euphrates korong loope duubomto.

¹⁰Roja Saulke yédo delo Reuben opín kídíe Hagrit ami kídíem mimak iala petyinla, Gilead lok sanggodan buluke amongem duungabomto.

¹¹Gad opín kídíde Reuben ami dungko lokke línggíng among Bashan lokke ila Salekah loope duuto.

¹²Joel bí ruutum yalume, Shapham bí nítmín gene, delokke Janai lang Shaphat bínyi Bashanlo duuto.

¹³Rumkíng ke atnam abu kíníd soge ayokon opín-buange lenkai: Mikhael, Meshullam, Sheba, Jorai, Jakan, Jia delokke Eber.

¹⁴Bulu Abihailke oo Hurike otíng kídíe. Bíkke odongem sikepe sankut sudungkuai: Abihail, Huri, Jaroah, Gilead, Mikhael, Jeshishai, Jahdo, Buj.

¹⁵Guni ke oo Abdiel ke onam Ahi bí buluke erang lokke dumpongpe yégeto.

¹⁶Bulu Bashan keelang Gilead lok doolung kídí lolang Sharon among lokke simon-sili neyang dopang-tíípangko alop kídí delo duuto.

¹⁷(Sok legang kídísim Judah roja Jotham kelang Israel roja Jeroboam II bínyike longe kídí delo atla mekumtuai.)

¹⁸Reuben, Gad, delokke Sanggo Manassehke amiem idumsula 44,760 sipayingko, tebegna mimak tamkung kídíem, yoksa kídíem, delokke iyyi epuk kídíem ijingne kato.

¹⁹Bulu Jetur, Naphish delokke Nodab lok Hagrit opín kídíem mimak makmínsupe gíto.

²⁰Shédí kíng bulu míídasula, bíkke igule duumín gedope kumtíla, Shédí bí buluke kumnamem toríksula Hagrit ami kídí, delokke buluke makbe satnam kídídem mimaklo ikummoto.

²¹Buluke Hagrit kídílok rotkamname, uut simone 50,000 ko, mére 250,000 kolang gadoe 2,000 ko, delokke 100,000 ko amiem mimak delo patek sola bomtoku.

²²Bulu mimak delo miru kídarem deddínem petto, kapeila mimakde Shédíke míínampe ito. Delo bulum Assiria roje umnyok bomdoku loope amongdem duubomto.

²³Sanggodan Manasseh opínde bojé alongto; bulu Bashan lokke ila Baal-hermon, Senir delo Hermon Díítum loope duubomto.

²⁴Si takam buluke erang lokke mibeng kídare: Epher, Ishi, Eliel, Ajriel, Jeremiah, Hodabiah delo Jahdiel. Bulu midu-miramrula, buluke opín aralok, takame kényinnam ruutumpe yéto.

²⁵Idola ami kídarde buluke buku-nekuke Shédí kelo aro míngkeng kaimape, bím mepakla, buluke kerape among delok Shédíke monpak binam uyu kídí delo notii kísape ito.

²⁶Depeila Shédí bí Assiria lokke roja Pul (Tiglath Pileser emlateng míndung) me ralnam bila buluke among delo aamoto. Bí Reuben, Gad, Sanggodan Manasseh opíndem ikumla, bulum Halah, Habor lolang Haralo, delokke Gojan Korongke robeng kídí delo agínpe duumoto.