Read Alladian EJRA 10 Bible Online

EJRA 10 - Alladian bible

EJRA 10

¹Ejrake Kumkeng Ekum kerang delo gubla kumla, kapdola sim paab kídar sim ponkansula idungem Israellok milokong, mime, delokke koo kídíe bosi-borangko bíkkíng aala séngérupe kapmín geto.

²Delo Elamke odonglok Jehielke oo, Shekaniah bí Ejrame poto, “Ngolu mibo mime kídíem minyam ila, Shédíkíng míngkeng sunamem ngolu betto. Idola sikepe idokom, Israelke legape supakkom míínam sunamko kadung.

³Dekepeila, kaju ngolu ngok ruutum nokke poyilnam pelang ngoluke Shédíke ngiitomem pesona ami kídíke poyilnam adupe, mime kídí simlang buluk onam ome-oo kídíem mepakyé emla supak ngoluke Shédí kíng pésunam ayonko ibosulajun, delokke sim ayon akorlok imolangka.

⁴Gerep tolangku, kapeila si agér si nok ibopename, delokke ngolukom nom igulyé; aapíe edínglangka, delokke sim ilangka.”

⁵Delo Ejrabí gerepla, agom delok adupe idope yégebona miri kídíem, Lebi kídíem, delokke Israel tabungem pésumola, bulu pésuto.

⁶Delo Ejrabí Shédíke ekum kerang delokke gílen langkula Eliashibke oo Jehohananke dungkolo gíla, jine pakbope yéna ami kídíe buluke míngkengem mepak sunam legape, bí míídírla atí doma-tíímape yoh dem delo duulíkto.

⁷Delo monnyokko loge ami aalatsukuna takame Jirusalemlo dumsudope,

⁸delokke migom kídíke lang miro kídíke lulíg agompe séko longum aralo aamayédí, bík ekurang tabungem langkamyé, delokke monnyokko loge aalatsukuna ami kídí lokke bím mengusuyé, emla Judah, delokke Jirusalem takamlo gogyingko goglíkto.

⁹Delo Judah, delokke Benjamin lok ami takame longum aralo aadumsuto; de konangnana poolo lokke looying annyinana longíai. Delokke ami takame Kumkeng Ekum gíídang delo bamdumsula, yagorupe pedong dodínge inam legapelang botteruna gídum bomsunam legape danla duuto.

¹⁰Delo miri Ejra bí dakrepla bulum poto, “Nolu ipatsula mibo mime kídíem minyam ikolok, Israel lok imem ajénge bojéyangkai.

¹¹Supak demílo RUUTUM noluke buku kídíke Shédí kelo ponkan sulangka, delokke bík míínamem ilangka; nolu agíe among sok ami kídí lokke lang mibo mime kídí lokke yéngu sulangka.”

¹²Delo aadum suna ami kídíde bottepe poyansuto, “De arorunge; no kape podudí, dekepe ngolu iyérung.

¹³Idola ami kídísi bojédung, delokke supak bojérupe pedong odung ila, ngolu gíídang so sikepe daklamayé. Delokke si lootel-loonyilok ipenam agérmangko; kapeila so legang so botterupe ngolu imemtung.

¹⁴Delok legape dumsuna takam sok legape ngoluk migom kídíem dagrep motoka; delokke ngoluke luune kídílo mibo mime bomna takamem ruubinam moodí moodílo aamotoka, delokke bulu kelo lekope luune miyonglok miro kídí emlang kebang lupena kídíem, ngoluke teyong loge sok legaso ngoluke Shédíke marlínge gíbínmang tetengem aamotoka.”

¹⁵Asahelke oo Jonathan lang Tikbahke oo Jahjeiah bínyi petom sim akpésuto, delokke bínyim Lebi opín lok Meshullam lang Shabbethai bínyi tolíkmínto.

¹⁶Delo monnyokko loge aalatsukuna kídíde ponam dekepe ito. Delokke miri Ejrabí agí-agí abu odong ayonpe, abu odonglok ayoko midang ami kídíem buluke amínem mínla ullenla mengusuto; delokke bulu íyingnana poolo lokke kerang longelo legang sim kangkí-tatkídope emla duusumbomla;

¹⁷kerang poolo lokke kerang longelo bulu mibo mime bomna ami kídí lok legí-sigangem kaayin-iyintoku.

¹⁸Miri kídarlok mibo mime bomna oo kídíe sikesi: Jojadakke oo Jeshua, delokke bík bíro kídíke oo aralok, Maaseiah, Eliejer, Jarib, delokke Gedaliah.

¹⁹Bulu buluke mime kídíem mepak yéku emla pésuto, delokke mér sobén alunglok mérbo atelko imem amanpe bisuto.

²⁰Immerke oo kídílok: Hanani delokke Jebadiah,

²¹Harimke oo kídílok: Maaseiah, Elijah, Shemaiah, Jehiel, delokke Ujjiah.

²²Pashhurke oo kídílok: Elioenai, Maaseiah, Ishmael, Nethanel, Jojabad, delokke Elasah.

²³Lebi kídílok: Jojabad, Shimei, Kelaiah (de Kelita) Pethahiah, Judah, delokke Eliejer.

²⁴Miri luna kídí lokke: Eliashib. Kumkeng Ekum dakbomna kídí lokke: Shallum, Telem, delo Uri.

²⁵Delokke Israel lokke: Paroshke oo kídí lokke: Ramiah, Ijjiah, Malkijah, Mijamin, Eleajar, Hashabiah, delokke Benaiah.

²⁶Elamke oo kídí lokke: Mattaniah, Jekhariah, Jehiel, Abdi, Jeremoth, delokke Elijah.

²⁷Jattuke oo kídí lokke: Elioenai, Eliashib, Mattaniah, Jeremoth, Jabad, delo Ajija.

²⁸Bebaike oo kídí lokke: Jehohanan, Hananiah, Jabbai, delo Athlai.

²⁹Banike oo kídí lokke: Meshullam, Mallukh, Adaiah, Jashub, Sheal, delo Jeremoth.

³⁰Pahath Moabke oo kídí lokke: Adna, Kelal, Benaiah, Maaseiah, Mattaniah, Bejalai, Binnui, delo Manasseh.

³¹Harimke oo kídí lokke: Eliejer, Isshijah, Malkijah, Shemaiah, Shimeon,

³²Benjamin, Malluk, delo Shemariah.

³³Hashumke oo kídí lokke: Mattenai, Mattattah, Jabad, Eliphelet, Jeremai, Manasseh, delo Shimei.

³⁴Banike oo kídí lokke: Maadai, Amram, Uel,

³⁵Benaiah, Bedeiah, Keluhi,

³⁶Baniah, Meremoth, Eliashib,

³⁷Mattaniah, Mattenai lang Jaasu.

³⁸Binnuike oo kídí lokke: Shimei,

³⁹Shelemiah, Nathan, Adaiah,

⁴⁰Maknadebai, Shashai, Sharai,

⁴¹Ajarel, Shelemiah, Shemariah,

⁴²Shallum, Amariah, delo Joseph.

⁴³Nebo ke oo kídí lokke: Jeiel, Mattithiah, Jabad, Jebina, Jaddai, Joel, delo Benaiah.

⁴⁴Si takam si mibo mime bomtuai, delokke bulu, bulume, buluke onam ome-oo kídíem lekope mepaksula yétoku.