Read Alladian EJRA 8 Bible Online

EJRA 8 - Alladian bible

EJRA 8

¹Artajarjes rojake ruutum bomdo longelo ngokkíng lekope Babilon among loge enbo sukuna ami kídí lok opín siirume, delokke buluk abu odong arang lok miro ami kídíe si:

²Phinehaske oo kídílok, Gershom. Ithamarke oo kídílok Daniel. Dabidke oo kídílok Hattush,

³bí Shekaniahke oo kone. Paroshke oo kídílok Jekhariah, delokke bíkkíng lekope 150 milokongko.

⁴Pahat Moabke oo kídílok Jerahiah ke oo Eliehoenai, delokke bíkkelo lekope 200 milokongko.

⁵Jattuke oo kídílok, Jahajiel ke oo Shekaniah, delokke bíkkelo lekope 300 milokongko.

⁶Adinke oo kídílok, Jonathan ke oo Ebed, delokke bíkkelo lekope 50 milokongko.

⁷Elamke oo kídílok, Athaliah ke oo Jeshaiah, delokke bíkkelo lekope 70 milokongko.

⁸Shephatiah ke oo kídílok, Maikel ke oo Jebadiah, delokke bíkkelo lekope 80 milokongko.

⁹Joabke oo kídílok, Jehielke oo Obadiah, delokke bíkkelo lekope 218 milokongko.

¹⁰Banike oo kídílok, Josiphiah ke oo Shelomith, delokke bíkkelo lekope 160 milokongko.

¹¹Bebaike oo kídílok, Bebai ke oo Jekhariah, delokke bíkkelo lekope 28 milokongko.

¹²Ajgadke oo kídílok, Hakkatanke oo Johanan, delokke bíkkelo lekope 110 milokongko.

¹³Méélamyape angkuna Adonikam ke oo kídílok, Eliphelet, Jeuel, delo Shemaiah, delokke bulukelo lekope 110 milokongko.

¹⁴Bigbaike oo kídílok, Uthai lang Jakkur, delokke bínyikelo lekope 70 milokongko.

¹⁵Ahaba doolunglo tokna korong delo bulum ngo tomdumsuto, delokke delo ngolu longumko ippo pola duupoto. Delo ngo ami kídí emlang miri kídídem kangkíname, Lebi ami atel koteng kaapamato.

¹⁶Delo ngo ruutumpe yébona Eliejer, Ariel, Shemaiah, Elnathan, Jarib, Elnathan, Nathan, Jekhariah, delo Meshullam, delokrongem kénjingna annyi Joiarib melang Elnathan bulum gogato.

¹⁷Ngo bulum Kasiphia amonglok poonem yégebona Iddo kelo melíkla, bímlang bík ibosutíng kumkeng ekumlok béérang kídídem, Shédíme Kumkeng Ekumlo agér gérbipena amilok ngolum melíkbidope roguto.

¹⁸Delo Shédíke ayang kootírlok, bulu ngolum Lebiko Mahlike oo kídí aralok kénna ami Sherebiahme melíkbito, delokke bík oo kídí elang bíro kídíe bodume íying kolang píínyiko aamín geto.

¹⁹Bulu Merarike oo kídílok Hashabiah melang Jeshaiahme, delokke bínyikelo aní-bíro loge lekope íying annyiko metaksulíkto.

²⁰Sok kékon loteng Dabid lang bík migom kídíe, Lebi kídíem iguldope emla mengusunam buku kídíke otínglok 220 Kumkeng Ekum béérang kídí kokom aabotoku. Bulum takam amín atla meyinto.

²¹Delokrongem ngo Ahaba korong ampeng delo, ngolum lang ngoluke ome-oo kídíem, delokke ngoluke bomkunam takamem entínglo mopítdola bedangem gíge bodokupe, Shédí kíng mínggíp sudola doma-tíímape nyola kumdope pokanto.

²²Kapeila ngo bedanglo ngolum mirulok mopítdope sipaying maglíngko, delokke guré dugbomna ami kídíeke ngo rojalok kopenamem annyingto; legade ngolu rojaem sikepe potuai, “Ngoluke Shédíke alage, bím matana mipil teyolo ainam legape kadung, delokke bím mepakna teyolo bíkke marname kadung.”

²³Dekepeila ngolu doma-tíímape nyobomsula sok legape Shédíme roguto, delokke bí ngoluke kumnamem tatbito.

²⁴Delo ngo íying kolang annyiko yégebona miri kídíem mengusuto: Sherebiah, Hashabiah, delokke buluke ali-atodlok íyingko.

²⁵Delokke ngo baldín emlang uunem, delokke roja kelang bík poyil-luyilbosuna kídíke, delo migom mite kídí kelang takam Israel ami kídíke Kumkeng Ekum delo inadope binam peking-pesak tabungdem kínana loge kípala miri kídí alaglo bilíkto.

²⁶Si ngokke bulum biname: Baldín - 22 metrik tonko Língko baldín peking-pesage - 70 kilogramko Uun - 3,400 kilogramko Íying annyi uun ekunge - 8:4 kilogramko. Uun ekung areem akamsuna kampona pitol ekunge annyiko.

²⁸Delokke ngo bulum poto, “Nolu, RUUTUM noluke buku kídíke Shédí keepe deene, delokke dekepe bíkkelo míísat sunam amanpe binam peking-pesak takam siteng deene.

²⁹Kumkeng Ekumlo píngkumang teteloope sikesim airupe kaabom langka. Elo miri kídíke pírteklo, sikesim miri, delokke Lebi kídíke midang keralo, delokke Jirusalemlo duuna Israel ami kídílok tukdang kídí keralo kílangkula bilík langkuka.”

³⁰Dekepeila miri kídí delang Lebi kídíde Jirusalemlo ngoluk Shédíke ekumlo bomdokupe baldínem, uunem delokke peking-pesak kídíem laaríksuto.

³¹Delo kerang poolo lokke looying kolang lonyinana longelo ngolu Jirusalemlo enkunam legape, Ahaba korong deloge gílentoku; ngoluke teyolo ngoluke Shédíke alage umbomla, bí miru alag loklang bedanglo tobomna dokayit kídí alaglok ngolum mopítto.

³²Ngolu Jirusalemlo píílangkula longumko apééla duutoku.

³³Loopinana delo, ngolu Kumkeng Ekumlo gíla, baldín kídíem, uun kídíem, delokke peking-pesak kídíem, kípala Uriahke oo miri Meremothke alaglo bilíkto. Bíkkelo lekope Phinehaske oo Eleajar, delokke Lebi annyi Jeshuake oo Jojabad lang Binnuike oo Noadiah buluteng kato.

³⁴Takamdem sankíla delokke kínanalo kíkíla, ato takam delokke sapdumem atkumla meto.

³⁵Jine pakbope yénam lokke lenlangkula monnyokko among loge angkuna ami kídíe Israelke Shédíme romnam amanem bito. Bulu takam Israel legape rubo dorying kolang dornyiko, mérbo íying konang kolang akkéko, mér bénoem íying kíníd kolang kínídko, delokke paab amanpe sobénem íying kolang annyiko bito. Si taro takam si RUUTUM kelo romnam amanpe biname.

³⁶Bulu rojalok bilíknam kakot emteng bomla korong rotkon lokke gobonor kídí, delokke among ruutum kídílo bila, delo bulu Shédíke ekum agér legang emlang ami kídíem igulto.