Read Alladian GÍLEN KUNAM 10 Bible Online

GÍLEN KUNAM 10 - Alladian bible

GÍLEN KUNAM 10

¹RUUTUMbí Mosime poto, “No Pharaoh kíng gílangka. RUUTUMbí ngo emla nolu kéndope, Ijipt amilo ingkona iyodem ilíkla, bulum ngo itung-irédudi, dekena ngokke irisinyo iyod inam tabungem,

²noluke ome-oolo, delokke oten-siirum lope, dooyipe sigyar gedope, ngo Pharaohke lang bík migom kídíke aapí-aangem tolmodung.”

³Depeila Mosi lang Aaron bínyi, Pharaoh kíng gíla bím poto, “Sikepe RUUTUM, Hibru kídíke Shédí bí podung, ‘Edít longe koda no ngok keralo, aapí-aangem remyakpe isumape iyén? Ngom kumsudope ngok ami kídíem gímolangka.

⁴No bulum gímo mayémílo, nyampo ngo nok among so pemírem bomayé.

⁵Bulu amongem kaapa yimadupe bííbomyé. Noluke amonglo duuna esing kídí miyongem hantak sula, ingkuedí tapí geruklo turkadí, deke takamem bulu doyinyé.

⁶Bulu nokke ekum kídílo, nokke migom kídíke ekum kídílo, delokke nok ami takamlo bííbomyé. Ijipt amonglo ami kalen delokke ila silo lope, noluk abu kídíe, delokke buku kídíete kangkí manampe iyé.’ ” Delo Mosibí Pharaohke keralok gílentoku.

⁷Pharaohke migom kídíde bím lupoto, “Si ami si edít longe koda ngolum ebín-eson itíyén? RUUTUM buluke Shédíme kumsudope, Israel kídíem gímotoka. Ijipt amongke nyoknamem no kénsumanía?”

⁸Delo Mosime lang Aaronme Pharaoh kíng tomaa motoku. Delo Pharaoh bí “Gílangka, RUUTUM noluke Shédíme kumsulangka.” emla bínyim podola ííto, “Séko buluda gíyén?”

⁹Mosi Poyan suto, “Ngoluke koo kídíe lang mijing-ejo, delokke ngolu takam gíyé. Sok teyolo ngoluk gooru sobén, taro takam emte bomyé. Kapeila ngolu RUUTUM kíng adeng-apeko ibiyé.”

¹⁰Pharaoh potoku, “RUUTUMke amínlok ngo pésula mandung, ngo edílokom noluk mime ome-oo kídíem gímomayé. Noluk atímangko ipe emla míínamem kangkai.

¹¹Ma, nolu kodung míloteng, milokong petome RUUTUMme kumkolo gíyé.” Depe emrongem Mosime lang Aaronme Pharaohke keralok lulentoku.

¹²RUUTUMbí Mosime poto, “Tapí gengongnam, siisana neyi-neyang tabungem donyok dope, among so pemíre bííyin bomdope, Ijipt teyolo nok alage laktar goto.”

¹³Depe polík kolok Mosibí banggén dem leerepla, Ijipt teyolo lengon bomto. Delo RUUTUMbí sanggo asarem among teyong delo, longe lolang yohlo muttímoto. Roh dandem asarde pemírem muda líkto.

¹⁴Bulu Ijipt amonglo aabomla, among delokke kéényu-regoe mírbampe duuyin aabomto. Dekena pemírlok irééname, kerang pekom kamato delokke méélam lote kamayé.

¹⁵Bulu among tabungem bííyin bomla, yora dope imoto. Bulu esing kídíke ayém, delokke amonglo garsana tabung teyolo, tapí kídíke getung-gengongnam takamem donyokto. Ijipt amonglo yayina neyi-neyang, demangkom esing atí kayimato.

¹⁶Pharaoh bí Mosi melang Aaronme menape tomala poto, “Ngo RUUTUM nonyike Shédíke mirupe, delokke nonyike mirupe paab ito.

¹⁷Supak ngom lekoda ngok paabem mesam bila, sikena atímana itung-iréko sok ibín dokupe, RUUTUM nonyike Shédíme kumbi langka.”

¹⁸Mosi delo Pharaoh kelok gílen geyé kula RUUTUM kíng kumto.

¹⁹Delo RUUTUMbí, asardem gumtík yana anggo asarpe ilat mola, pemír kídídem mutbom langkula, Silíng Siyénglo mutyin líktoku. Ijiptlo pemír atel koteng kayimangkai.

²⁰Idola Pharaohke aapí dem RUUTUMbí tolmo langkula, bí Israel kídíem gímo kumato.

²¹Delo RUUTUMbí Mosime poto, “Ijipt amonglo ukpa bosu yimanam kaamue ilum bomdope, nok alage taleng telo lengon toka.”

²²Depe pokolok Mosibí alage talengpe lengonto. Delo Ijipt among tabunglo kaamue longum kope ilum bomto.

²³Sékoteng sékomete kaapang bosumato, demangkom agí dungko-dakkolok gílen-gíang laamato. Idola Israel kídíke dungko delo angune kato.

²⁴Delo Pharaoh bí Mosime tomla poto, “Gílangka, RUUTUMme kumlangka. Noluke mime ome-oo kídíete gímín gelado, idola noluke gooru-sobén delokke taro petomem mekut sulangka.”

²⁵Idola Mosi poyan suto, “RUUTUM ngoluke Shédíke keralo, ipak ila aman romlík penam atoem, ngolum kamope aiyé.

²⁶Ngolu lepuk-lakpuk gena atel kokom mekut sumape, ngoluke simon-sili tabungem ngolu gíbope aiyé, delokke ngolu elo píímang adape RUUTUMme kumkolo, ingko atoem ilíkpe aiyédí, dem ngolu kénrung sumang.”

²⁷Idola RUUTUMbí Pharaohke aapí dem tolmola, bí bulum gídope elík mato.

²⁸Pharaoh bí Mosime luto, “Ngok kangko sok gínyok kaku; ngok keraso lekoda lengkan sukuma peka. Ingkona longelo no ngok migmo sim kaayédí, no siyé.”

²⁹Mosi poyansuto, “Aiyé, nok lukampe ngo edílokom nok keralo, lengkan sukumayé.”