Read Alladian GÍLEN KUNAM 37 Bible Online

GÍLEN KUNAM 37 - Alladian bible

GÍLEN KUNAM 37

¹Bejalel bí akasia esing lok 110 séntimitar bodongpe, 66 séntimitar apepe, delokke 66 séntimitar kedonpe Daapong Sondugem omto.

²Bí uun kotírlok luyu emlang arangem, píbumla, uunlok etorpe pígo líkto.

³Delo bí deme joonanape, unlok kelong kísa pírílpe appiko mola, deme arotkonlo annyi konem ila, ale appi delo píket líkto.

⁴Bí akasia esing daajong lok mola deme uunlok pílumlíkto.

⁵Delok rongem daajong dem, Sonduk delokke arotkon delo lang arotkon delo duuna kelong kídí delo, jonnampe íkbung líkla leelíkto.

⁶Depe irodem bí uun kotír loge 110 séntimitar bodong, 66 séntimitar apena Ipítna Ayang Dungkeng ko pííto.

⁷Delok rongem bí demjépnam uunlok Sérubim annyiko,

⁸Ipítna Ayang Dungkeng tuubu teredelo pílíkto. Bí bínyim Ipítna Ayang Dungkeng delo amíl atel kope idope píketto.

⁹Sérubim annyide mikmoe gerík sula, Ipítna Ayang Dungkeng tuubu terelok kaatokdupe ila bínyike alapde Ipítna Ayang Dungkeng dem laplum bomdope ilíkto.

¹⁰Depe irodem bí akasia esing lok 88 séntimitar bodong, 44 séntimitar ape, delokke 66 séntimitar kedonna tébulko moto.

¹¹Deme uun kootír lok píkapla, uun lok etorpe abe teyonglo pígo líkto.

¹²Delok arang delo bí 75 milimitar kope bortak dope bilgona abe ko mela, abe dem uun lok etorpe pígo líkto.

¹³Sok kékonlo bí joonanape uun lok pírílna appiko, kelong kísape píla tébul delokke ale appi delo ilíkto.

¹⁴Tébul dem joonana daajong annyidem gagbom dope, kelong kídíem abe eelen delo píket líkto.

¹⁵Bí akasia esinglok daajong kídí demte ila uun lok pílumto.

¹⁶Bí uun kootírlok tébul delokke ekung, bati, jog delokke egug kídíem, alang amanlo iga legape píto.

¹⁷Bí uun kootírlok sérak meke dem píto. Bí dungkengem ilíkla, jonna amíldem, demjépnam uunlok mola, delokke appun mimang kídíem amíl atel kope idope píyinto.

¹⁸Arotkon lolang arotkonlo, aagem angum angumpe lendope, mekeng delo ilíkto.

¹⁹Agí delo ilenla aag akké miyoode, batkeng elang punne lekope ila almond appun mimape ina, bati angum-angumpe píyin líkto.

²⁰Sérak mekeng dete batkeng elang pundope inam almondpe monam bati appi mimangko kadope ilíkto.

²¹Aag akké miyong leeríng delo batkengem ilíkto.

²²Batkeng, aag kídí delokke sérak agídem, demjépnam uun lok kínídko, delokke dekedem sépbomna kídíem lang, ekung kídíem uun kootírlok moyinto.

²⁴Bí sérak mekeng demlang ato-siro takam dem, kilogram íying angum kolang pilngope tebegna uun arolok píyin líkto.

²⁵Bí nampona aríem nyotdope, akasia esing lok rungguko píto. Deme neyi sudope ila bodonge lang ape 45 séntimitarpe, delokke kedone 90 séntimitarpe idope ito. Runggu delokke kéényung appi patkoona tuubu kídíem, amíl delo atel kope pílíkto.

²⁶Bí delokke teyong emla abe kídíem, delokke tuubu kídíem, uun kootírlok ila abe eelen delo uun lok etorpe pígo líkto.

²⁷Depe irodem bí runggu delok legape joonana kelong annyiko uunlok mola deme etor iko rumkíng delokke abe eelenlo píket líkla deloge daajong lok joobomnadope ilíkto.

²⁸Bí daajong kídí demte akasia esing lok ila uun lok pílum líkto.

²⁹Bí pídélíknana tél emte ila delokke deena, nampona kuséréng hoyél sunam ato demte ito.