Read Alladian GÍLEN KUNAM 38 Bible Online

GÍLEN KUNAM 38 - Alladian bible

GÍLEN KUNAM 38

¹Aman romlíkko legape, bí akasia esing lok rungguko píto. Deme bodongem 2:2 mitarpe, apeme 2:2 mitarpe, delokke kedoneme 1:3 mitarpe ito.

²Bí kéényung appi deme, lenkoona tuubu kadope idola, dekeme runggu delo amíl atel kope idope píto, delokke dem tuubu dem pitollok pílumto.

³Runggu delokke ekurang kídíemte píyinto, dekede: metbu joobín nana ekung, metbu laalen nana lukung, iyyi kuujéng nana ekung, adín tubnana tabyabpe ina kotup, delokke eme mekeng ekung kídíe.

⁴Delokrodem bí pitol lok esap kísanako pola, deme runggu delokke abe rumkíng delo ilík dola deme runggu delokke raadang lo hosaato.

⁵Depe irodem bí jongkepe pírílna kelong lok kéényung appi delo, píket líkto.

⁶Delo bí joonana daajongem akasia esinglok ila, dekedem pitollok pílum líkto.

⁷Delokke dekedem runggu delokke abe eelenlo, píket líknam kelong kídí delo íkbula melíkto. Runggu dem bí bésorna siipang lok ila arangem ruubung dope píto.

⁸Bí pitol ekung bottenako delokke dakkengko, RUUTUMke dungko Tombu aatak eyablo agér ina mime kídí lokke arsi kídílok píto.

⁹RUUTUMke dungko Tombu legape, kampona ennolok sumnam porda egelok baatumko ito. Sokkodan lokke porda kídíem 44 mitar bodongpe omto.

¹⁰Porda kídídem pakkepe baldín daabe loklang petkélok delokke pitol gaang íying annyi kolang pitol duupu íying annyiko ilíkto.

¹¹Baatum delokke línggídan demte deke pakpe ito.

¹²Anggodan dem 22 mitar porda ege bodongnalok ilíkla, dekedem pakkepe baldín daabe loklang petkélok, delokke gaang íying kolang duupu íyingko ilíkto.

¹³Eyab aatak kako sanggodan demte 22 mitarko bortakpe ilíkto.

¹⁴Aatak delokke arotkonlo, 6:6 mitarna porda egelok ilíkla, delo duupuem angumko ila gaang angumko díílíkto.

¹⁵Aatak delokke arotkon demte arotkon delok akam pakpe ito.

¹⁶Baatum dem daggo bomna porda ege kídíem, kampope yadnam ennolok sumyin líkto.

¹⁷Gaang kídí delokke duupu kídíem pitollok píyinto, delokke petké kídíem, daabe kídíem delokke gaang dumpong kídíem ilumna tabungem baldínlok píyinto. Baatum dem dunggo bomna gaang kídídem, baldín daabelok irík suyinto.

¹⁸Baatum eyabke porda deme yasanna, yamugna delokke yalína, kampope yadnam ennolok sumyél sulíkla, kampona pooré appunlok omtak líkla omlíkto. Baatum delokke porda kísape, eyabke porda demteng 9 mitar bodong pelang 2 mitar kedonpe ilíkto.

¹⁹Eyab deme pitol duupu kana gaang appiko gedope díílíkto. Deke delokke petké kídí emlang daabe kídíem, delokke gaang dumpong kídíem ilumna tabungem baldínlok píyinto.

²⁰Sok teyolo Tombudem hokeng petké kídí demlang baatum dem igo bomna ato-siro tabudem pitollok píyinto.

²¹Lulíknam Ngiitom Íyingem atlíkko líítam annyiem meko, RUUTUMke dungko ekum Tombu deme monana ekurang sapname sikesi: Sime Mosike lulíglok sapto delokke miri Aaronke oo Ithamarke runggong aralo, Lébi kídíe agér kídí sime iyinto.

²²RUUTUMke lulíknampe ato takamem Judah opín lokke Hur ke oten, Uri ke oo Bejalel bí píyinla moyinto.

²³Bím igulna Dan opín lokke Ahisamakh ke oo Oholiab bí ato-siro píket líkkolo píjila, ato-siro rungkolo ruujila, delokke kampope yadnam egem lang yasanna, yamugna, delokke yalína enno egem sumji runakuai.

²⁴Kebangke tolík bosunam sapnampe, deena Tombu legape, RUUTUM kelo kumlíknam uun kídíde éjar kilogramko kato.

²⁵Kebangke tolík bosunam sapnampe, opín tabungem handuem 3,430 kilogram baldínko kato.

²⁶Kebangke tolík bosunam sapnampe, mipil miyongke bidongpe bila handuem hanlík kosuna, ami tabungke bidum sunam areme, si baldín are si akamto. Delo handuem takying annyi lokke ila teyona amie 603,550 ko kato.

²⁷Baldín kídí delok, 3,400 kilogram ko deena Tombu kelang porda kídíke duupu língkoko monato. Duupu miyong delo 34 kilogram baldín lok ilíkto.

²⁸Ngatpekna 30 kilogram baldín delok, Bejalel bí daabe kídípe, gaang kídíke petképe, delokke gaang dumpong kídíem ilum nanape píyin líkto.

²⁹RUUTUM kelo kumlíknam pitol kídíde, 2,425 kilogramko kato.

³⁰Sok pitol kídísok RUUTUMke dungko Tombu aatak eyab duupuem píla, pitol runggu demlang bíkke pitol esap kísana dem, delokke runggu ke legape ekurang tabungem pínala,

³¹baatum dem gargo bomna kídíem, duupu kídíem lang baatum aatak eyabke duupu kídíem, delokke Tombudem hokeng petké kídí demlang baatum dem igo bomna ato-siro tabudem, bí pitol kídí delok píyinnato.