Read Alladian GÍLEN KUNAM 9 Bible Online

GÍLEN KUNAM 9 - Alladian bible

GÍLEN KUNAM 9

¹RUUTUMbí Mosime poto, “Pharaoh kíng gíla, bím sipe polangka, ‘RUUTUMbí, Hibru kídíke Shédí bí, sikepe podung, “Ngom kumsudope ngok ami kídíem gímolangka.

²No bulum gímomape luya-yanggap yémílo,

³noluk arík-amonglo RUUTUMke alage pííla, noluke simon-sili teyolo pesorupe itung-iréyé. Sinam-nyoknamde noluke gurélo, gadolo, uut simonlo, gooru-sobén lolang mér kídílo pííyé.

⁴Idola Ijipt kídíke pénsamlo, kaapan sumona iyodko ila, Israel kídíke simon-silie simayé.” ’

⁵RUUTUMbí moodíem lurekla poto, ‘Sikepe RUUTUMbí, nyampo amongso iyé.’ ”

⁶Arope longe kondem, RUUTUMbí dekepe ito. Ijipt kídíke simon-sili tabude siyinkai, idola Israelke simon-silie atel kote simato.

⁷Pharaoh bí amiem melíkla, íngkí-bengkí igo monamete, Israel kídílok simon-sili atel kote sidope mapaamato. Depeilateng bík aapí-aangde tolla ami kídíem gímomato.

⁸RUUTUMbí Mosi melang Aaronme poto, “Meromlok metbu umla, Pharaoh ke keralo Mosi no, asarlo ellíktoka.

⁹De Ijipt among tabulo remina metbupe iyin goyé, delokke adír mona tasutpe, among tabung sokke tanilo lang tarolo ilen bomyé.”

¹⁰Depeila bínyi meromlok metbu umla, Pharaohke keralo dagala, Mosi bí deme asarlo ellíkto. Delokke ila tani lolang tarolo adír rupe imona tasude kalenkai.

¹¹Ijipt ami takam lolang moya-montoro ina miri kídí tabunglo tasude bukyin lenla, bulu Mosike keralo daglen laamato.

¹²Idola RUUTUMbí Pharaohke aapí-aang dem tolmoto. Depeila RUUTUMke pokampe bí Mosi kelang Aaronke agomem atí tatbimato.

¹³Delo RUUTUMbí Mosime poto, “No rokompe gerepla, Pharaohme kaaríksula sipe polangka: ‘RUUTUM, Hibru kídíke Shédíbí, sipe podung, “Ngom kumsudope ngok ami kídíem gímolangka.

¹⁴Demamílo so irumso, ngokke itung-iré ralnamem apíípe nok ami kídílo, nok migom kídílo, delokke nok teyolo melíkyé. Delo tani amongso ngok kísana kamang emla no kényé.

¹⁵Sok kera pekai ngok alage yamtarla, nomla nok ami kídíem tani among sok nyokdope mokayai.

¹⁶Idola, ngok amínem tani among rego mipííso pokan godope, delokke ngok pauarem, nok teyolo lengkan dope mííla, ngo nom metur potung.

¹⁷No supak peteng ngok ami kídíem akla bulum gímomang.

¹⁸Depeila Ijipt lokke batlen lok ila, supak pete okímang adanam peso runam emnam tapíem omoyé.

¹⁹Depeila noluke simon-sili kídí emlang, aríklo yéna tabungem, dakpí supekolo gooyin aadokupe hukumko ilentoka. Kapeila tapíde angkumana, aríklo yéna ami lolang tarolo olíkla, bulum takamem siyin moyé.” ’ ”

²⁰Pharaoh ke migom kídí aralok RUUTUMke agomem pesona kídíde lomlang kula, buluke abíl kídíem políkla, simon-sili kídíem aralo isi-sasila iyinto.

²¹Idola RUUTUMke agomem tatmana kídíde, buluk abíl kídíem polík mape, simon-sili kídíem isi-sasi mape aríklo yémoto.

²²Delo RUUTUMbí Mosime poto, “Ijipt among tabungke aríklo garsana, neyi-neyanglo delokke yégona tani lolang, tarolo Ijiptke rego miyoolo, tapíe oyin letdope, nok alagem taleng danpe lakdu sutoka.”

²³Edílo Mosi bí banggén dem taleng danpe leedu sutodí, RUUTUMbí doomír emla tapíem melíkto, delokke yaarie among lope garlíkto. Dekepe RUUTUMbí Ijipt amonglo tapíem melíkla,

²⁴tapíe ola, yaarie garkup-garlat sula ito. Ijipt among lokke batlen lok ila de tapí delang gumnamde peso yalumnampe ito.

²⁵Ijipt lokke kéényung regolo tani emla taroem, delokke aríklo kana tabulo tapíde gejém bomkai. De gaarsana tabunglo gejémla, esing takameme mílí dope gekutto.

²⁶Idola Israel kídí dungko, Goshen among petom delo tapíe omato.

²⁷Delo Mosi melang Aaronme Pharaoh tomla poto, “Supak so dan ngo paab ito. Ngo lang ngok ami kídíe imemto, delokke RUUTUM bíkkelo imem kamang.

²⁸Ngolu siddína tapíem lang doomírem molang geyimang, depeila RUUTUM kíng kumbi langka. Ngo nolum gímoyé, nolu duutí yimangkom aiyé.”

²⁹Mosi poyan suto, “Ngo edílo doolung luunelo gílen yékudí, ngo alage yamtarla, RUUTUM kíng kumyé. Doomíre kayimayé, delokke tapíe oyimayé. Soge no, tani among si RUUTUMke emla kényé.

³⁰Idola no lang nok migom kídíe supakte RUUTUM Shédíme pesomang.”

³¹Delo siipyage pundukla, anyade batlenla, ikolok anyad emlang siipyagem nyokmoto.

³²Idola Gehu elang aame méélampe min-ga legape dekede nyokmato.

³³Delo Mosibí Pharaohke kerang delok lenlang kula, doolung luune delo gítoku. Delo RUUTUM kíng lakdu sula rogu rongkuem doomír elang tapíe, delokke pedonge among delo oimato.

³⁴Edílo pedonge lang doomíre, delokke tapíem kaimadope Pharaoh bí kaatodín bí lekoda paab itoku.

³⁵RUUTUMke Mosi kelok pokampe Pharaohke aapí-aangde tollang kula Israel kídíem gímomato.