Read Alladian JOB 18 Bible Online

JOB 18 - Alladian bible

JOB 18

¹Shuah among lokke Bildad poyansuto:

²Nokke ngomtínam sim edílo ngomyinyén? No asoope tatpotola, delomin ngolu agom polayéne.

³Kape no ngolum taro kísa mide neke emla míngkan?

⁴Nokke aklílok, no agísuem min irésudune, No mardo emla among so tani kaimape iyénía? Nok aange apíídope Shédíbí díítem ipakyénía?

⁵Atímana ami lokke angunde mityé, delokke bíkke emede guyimayé.

⁶Bíkke ekum lokke lém merude kaamoyé.

⁷Bíkke alede edíítuai, idola bí agíke lumem-míímem sukolok agíe tupsula oletdung.

⁸Bí gímemsula agí aleme esaplo yétko sudung.

⁹Bík ledulo esapde yétla, yétgap yaya bomdung.

¹⁰Bík begot delo songkitko kirulíktung, bíkke begot delo bím batpenako golíktung.

¹¹Bíkke luyu-lamgélo pesoríanpe mííname gyanggo bomla, lekor miyonglo maamín gedung.

¹²Bí miremtuai, idola bí keno kaku, kapeila tong-aryange bíkkíng yémín gedung.

¹³Pesorunam kiname bím aabomla, bíkke ale-alagem yaamotung.

¹⁴Edíípe dungako ekumlok bím laalenla, sina rojem kaarík sudope bím hatbomdung.

¹⁵Salpar kusérénglok bík dungako delo aplíkla, ekumdem arbínla angu amie duuyan bomdung.

¹⁶Bíkke appír elang aag kídíe sila eredung.

¹⁷Bíkke amíne nyokdung, delokke tani among so bík legangem kénsuyimang.

¹⁸Bíme turna tani yépomlok monbínyé, angun lokke kaamolo monbínyé.

¹⁹Bí otíng-oyin, delokke turla duuna ami kaimang.

²⁰Sanggo lokke anggo loope, bík legangem tatna tabungde reyubrupe taddung.

²¹Shédíme atí míímana amike ségue, delokke atímana amie sikepe idung.