Read Alladian JOB 35 Bible Online

JOB 35 - Alladian bible

JOB 35

¹Shédíke kangkolo aine emla,

²Job nokke mannamde aimang.

³Demangkom, “Ngok paabde nome aklí modunía? Paab imape ngo ingko namngo koda ipaatun?” emla Shédíme íínamde tatpomang.

⁴Ngo nom lang nok angong kídíem poyansuyé.

⁵Talengem kaadusula doomug kedonem kaangkítoka.

⁶Nokke paab inamde demangkom, nokke imemnamde Shédí kíng atímangko kayénía?

⁷Nokke deengkolok Shédíme iguldunía? Nokkelok Shédí bí ingkokoda mííyén?

⁸Nokke deemang-amoemin angong-arumlo aimomadune, delokke nokke aina agér inamde bíme iguldung.

⁹Edílo ami konem irééyédí, delo bí adírla, mopítdope kapgo sudung.

¹⁰Idola ami delokke yagorupe duug-adír loteng igulna, bím pílenna Shédí kíng bí aapí míílat sukumang.

¹¹Simon-siliem pemílo kényana ngolu, kénmona Shédí kíng aapí míílat sukumang.

¹²Bulu igul legape kapdung, idola Shédí bí poyan sumang, kapeila bulu míngkím sudung, delokke deemana tanie.

¹³Depeila buluke kapnam-ríínamde aalok lok endung. Kapeila Ralya yalumna Shédí bí bulum tadbiyimang.

¹⁴Job no Shédíme kaapamang emdung, idola no aapí hakjém dola toyang kítola, nok legange bík keralo dung.

¹⁵Shédí bí paabem ai-siipe kaasumang, delokke paab legape bí itung-irémang, emla no míídung.

¹⁶Idola sikepe nokke lutí goonamde atí agér kamang. Sike soge no atí kénma nakope agom-aangem podung, emla tabunge kaadung.