Read Alladian MIRILUNGGU 108 Bible Online

MIRILUNGGU 108 - Alladian bible

MIRILUNGGU 108

¹E Shédía, ngo apíípe míídíísudung, ngo miri lula nom rínggeyé! Ngokke aidem uttoika.

²Ngokke tapung taode darlangka, ngo doonyiem utrepyé.

³E RUUTUM mipak gooralo ngo nom yidgeyé. Amikídí gooralo ngo nom rínggeyé.

⁴Nokke duuyarna ayade teyong among píngkai, nokke míngkenge talengem píngkai.

⁵E Shédía, nokke boronamem talengtelo lengkantoika, delokke amo rego takamlo nokke angun ralnamem lengkantoika.

⁶Nokke ayanam amikídíe turdokupe, ngolum nokke ralnamlok mosiitoika; ngokke kumnamem tatbika.

⁷Deena notkolokke Shédí bí poto, “Ikumpala ngo Shekhem em laapansuyé, delokke Sukkoth yiibem ngokke amikídíem panbiyé.

⁸Gileadde ngokke, Manasseh dekom ngokke, Ephraimde ngokke luprue, Judah de ngokke roja banggéne.

⁹Idakkom Moab dem ngo ngokke laksuk sukeng ekungpe iyé; Edom delo ngo ngokke leyugem todung namai emla kangkén sukepe yoplíkyé. Philistain loope ngo ikum togok em gogyé.”

¹⁰E Shédía séko ngom língkang kana dooludelo aaboyéne? Séko ngom Edom lo gílíkyéne?

¹¹No aropakpía ngolum mepaktone? No ngoluke sipayingem lekope gílenbosu mayénía?

¹²Miruem imín sukolo ngolum igultoika, tani igulde are kamang.

¹³Shédíke igullok ngolu mirampe imínsuyé. Bí ngolum ngoluke miruem ikumboyé.