Read Alladian MIRILUNGGU 116 Bible Online

MIRILUNGGU 116 - Alladian bible

MIRILUNGGU 116

¹RUUTUM me ngo ayadung, kapeila bí ngokke agomem, delokke ngokke rogunamem tatto.

²Bí ngokke roguyé tetengem tatbido.

³Gérmang paamue ngokkíng aanínbomto, gííma simue ngokkíng daggubomto; ngo ankí kenue séngééto.

⁴Delokrongem ngo RUUTUM me gokto. “Ngo nom rogudung RUUTUM, ngom iturtokui!”

⁵RUUTUM bí yaasamnako, delokke ainako; ngoluke Shédí bí ayang míípasunako.

⁶RUUTUM bí ralmanem igulnako; ngokke sitapakduem bí ngom mosiitoku.

⁷E ngokke aange míída sulangka, kapeila RUUTUM bí ngom aidung.

⁸RUUTUM ngom sikolokke mosiitoku; bí ngokke miksiem títbínto, delokke tuuram kolokke ngom tolmotoku.

⁹Dekepe iname RUUTUMke kangkolo turna kídíke amolo ngo yédung.

¹⁰“Ngom mongal alongto,” emdo anyolote ngokke míngkengem ngo bomgapto;

¹¹“Sékomete aro míípeko kamang,” emla ngokke pesue emla míído anyolote ngo míngke sudung.

¹²RUUTUMke ngom binam takam legape ngo ingkokoi bím biyan supene?

¹³RUUTUMke ngom mopít kolok bím yidgenape ngokke onggur apongem bíkkíng amanpe bombiyé.

¹⁴Bíkke ami kídíke duusumlo, ngo ngok bím bipe emla pébisunamem biyé.

¹⁵RUUTUMke ami akone simílo edítko bí ankídun!

¹⁶E RUUTUM, ngo nokke béérange; ngo nom kumdung, ngok aneke inam kísape. No ngom sikolokke mopítoku.

¹⁷Ngo yidgenam sobo ipagem nom ibiyé, delokke nokkíng kumsuyé.

¹⁸Nokke ami takam keralo, nokke Jirusalem Kumkeng Ekum aralo,

¹⁹ngokke biyé emla pébi sunamem ngo biyé. RUUTUM me ríngge langka!