Read Alladian MIRILUNGGU 136 Bible Online

MIRILUNGGU 136 - Alladian bible

MIRILUNGGU 136

¹RUUTUM me koyitlangka, legade bí ainako Kapeila bíkke ayangde duuyarne.

²Botte yalumna Shédíme yidgelangka, kapeila bíkke ayangde duuyarne.

³Tolya yalumna RUUTUMem yidlangka, kapeila bíkke ayangde duuyarne.

⁴Bí petom bottena irisinyuem ine, kapeila bíkke ayangde duuyarne.

⁵Bíkke kénnamlok bí talengem píto, kapeila bíkke ayangde duuyarne.

⁶Bí asi gooralo amongem píto, kapeila bíkke ayangde duuyarne.

⁷Bí doonyiemlang pooloem píto, kapeila bíkke ayangde duuyarne.

⁸Longe ruutumpe doonyiem píto, kapeila bíkke ayangde duuyarne.

⁹Pooloemlang takarem yuem ruutum bomdope píto, kapeila bíkke ayangde duuyarne.

¹⁰Bí Ijipt amikídí lokke ogenam kídíem petto, kapeila bíkke ayangde duuyarne.

¹¹Bí Israel amikídíem Ijiptlokke gílenbotoku, kapeila bíkke ayangde duuyarne.

¹²Bíkke tolna ralna alaglok, miram lakpolok laalentoku, kapeila bíkke ayangde duuyarne.

¹³Bí Silíng Siyéngem pépansuto, kapeila bíkke ayangde duuyarne.

¹⁴Bí amikídíem delok raadadelok gíbotoku, kapeila bíkke ayangde duuyarne.

¹⁵Idola bí Ijiptlokke rojemla sipayingem asilo aamoto, kapeila bíkke ayangde duuyarne.

¹⁶Bí amikídíem mooruk raadalok gíbotoku, kapeila bíkke ayangde duuyarne.

¹⁷Bí tolna ralna rojakídíem petpakto, kapeila bíkke ayangde duuyarne.

¹⁸Bí amínkana rojakídíem petto, kapeila bíkke ayangde duuyarne.

¹⁹Amorit roja Sihonme petto, kapeila bíkke ayangde duuyarne.

²⁰Delokke Bashan lokke roja Ogme petto, kapeila bíkke ayangde duuyarne.

²¹Buluke amongem bí agíke amikídíem bito, kapeila bíkke ayangde duuyarne.

²²Bí dem bíkke béérang Israelem bito, kapeila bíkke ayangde duuyarne.

²³Ngolum mirue ikumduem bí ngolum mitpansumang, kapeila bíkke ayangde duuyarne.

²⁴Bí ngolum miru alaglokke laalentoku, kapeila bíkke ayangde duuyarne.

²⁵Bí turkí ngakína takamem donam bine, kapeila bíkke ayangde duuyarne.

²⁶Teyong telokke Shédíme koyitlangka, kapeila bíkke ayangde duuyarne.