Read Alladian MIRILUNGGU 140 Bible Online

MIRILUNGGU 140 - Alladian bible

MIRILUNGGU 140

¹Atímana ami kídílokke, E RUUTUM ngom mopílangka. Migusuak amilokke ngom mosiilangka.

²Bulu agínpe míírí míínyobomdung, agínpe lumín pamínsudope luuk poukdung.

³Buluke ayode tabí kísape asum aar kadung; buluke agom de bítpyor asum aar kísadung.

⁴E RUUTUM atímana amikídíke alaglok ngom umpít bomtoika; petna-mona ami kídílokke ngom gakpít bomtoika, bulu ngom nyokmope emla ruudung.

⁵Adum alena kídíe ngom baddope etkuko gotung. bulu songkitko totung, delokke agotlo ngom baddope bulu etku gotung.

⁶Ngo RUUTUM me podung, “No mino ngokke Shédíe.” Ngokke rogunamem E RUUTUM tatgap bilangka.

⁷E RUUTUM, ngokke Ruutume, ngokke ralnarung mopítbone, no ngom mimaklo umbomto.

⁸E RUUTUM atímana ami kídílokke míínamem bimapeka, buluke rubomnamem rusam molangka.

⁹Ngokke mirukídíem ikum momayika; buluke ngom olet dope runam atídem bulukelo aasu molangkuka.

¹⁰Bulum írna mekollok ojém molangka; bulum deerulo yoplíkpala gílen moku mapeka.

¹¹Amiem míílola ajéng luketna kídíem lusam sumolangka; gíímang gérmange petna-mona amiem aabomla bulum nyokmolangka.

¹²RUUTUM ngo kéndung, no opan legangem kaasidung, delokke arééna legangemte kaadung.

¹³Berokrupe yéjina kídíe nok amínem yidgeyé. Bulu nokke kangkolo yéyé.