Read Alladian MIRILUNGGU 143 Bible Online

MIRILUNGGU 143 - Alladian bible

MIRILUNGGU 143

¹Ngokke kumnamem tatlangka, E RUUTUM, ngokke rogunamem tatgapbika! Nokke ainamlok, delokke mínggaplok ngom poyan subika!

²Nokke béérang ngom darkangkolo melíkmapeka, nokke kangkolo sékote deena kamang.

³Ngokke mirue ngom montímíndung, delokke ngom inga berokto.

⁴Dekepe ila ngo míngkén suyimang, ngo míngasukai.

⁵Yéruk dakruk longem ngo míípa sudungku, nokke inam saanamem ngo míítí sudungku, nokke agér takamem ngokke aapíso mííyin sudungku.

⁶Ngokke alage lengonla nom kumdung, moopílo gíyém asi tíílíng kísape, nom ngokke aide mííbomdung.

⁷Supak ngom poyan subika E RUUTUM, ngo míínam berok suyimang, no ngom rusigemayika, demamílo tani amoso sina kídílokke akonpe ngo iyé.

⁸Rodíke ngom nokke duuyarna ayangem míípang sumotoika, kapeila ngo nokkíng míídasudung. Ngokke kumname nokkíng píídung; ngokke gípeko bedangem no sutlíktoika.

⁹Nokkíng ngo duusigepe aadung E RUUTUM, ngom ngokke mirulokke mopítoika.

¹⁰Nomin ngokke Shédíe, nokke míínamem idope luyiltoika, nokke aina bedalok gíbotoika.

¹¹Nokke pébisukampe E RUUTUM, ngom mopítoika; nokke ailok ngom adír lokke mosiitoika.

¹²Nokke ayang lok ngokke miruem petpaklangka, delokke ngom irééna takamem nyokmotoika, kapeila ngo nokke béérange.