Read Alladian MIRILUNGGU 2 Bible Online

MIRILUNGGU 2 - Alladian bible

MIRILUNGGU 2

¹Kapeila angu opín kídíe lendune delokke amikídíe míírí míínyodune?

²Amosokke rojakídíe lang yébona kídíe RUUTUM bímlang bíkke tosaknam kídíem akla podung,

³“Buluke gooralok ngolu lenlang kuju; delokke buluke gooralo duuyi mangkom.”

⁴Teyong amolo duuna bí ngilkadung; RUUTUM bí ngilpu ngiléédung.

⁵Delokrongem bí marlídola bulum podung, delokke agí marlílok bulum irídem sikepe podola lengkanyé.

⁶“Ngokke rojem deena Jayon díítelo duumoto,” emla bí podung.

⁷“Ngo RUUTUMke agomem pobiyé,” emla roje podung. Bí ngom sikepe poto, “No ngokke ue, silo ngo nokke abupe ikai.

⁸Ngokkíng kolangka, ngo angu opín takamem nokke ruutum dogeko opínpe imoyé, delokke among tabusi nokkepe iyé.

⁹No bulum arem banggénlok solaila yéboyé, delokke bulum peking kísape benmíkmoyé.”

¹⁰Supak roja kídía, tani amosim yébona kídía, sim luto subinam sim kéntola;

¹¹RUUTUM me pesodola kumlangka.

¹²Delokke pesolokke danbom sulangka, demamílo bí maryé, delo nolu bedalo nyokyé; kapeila bíkke marlíde menadung. Bíkkíng duusigena kídíde gérne.