Read Alladian MIRILUNGGU 27 Bible Online

MIRILUNGGU 27 - Alladian bible

MIRILUNGGU 27

¹RUUTUM bí ngokke angune, delokke ngokke turkupekue; ngo séko mekom pesomang. RUUTUM bí ngokke yénamlokke edíípe gakda sukue; ngo edílokom pesomayé.

²Atímana agér inakídíe, lukaa-luyééna kídíe ngom míílo aabomyém, ngokke mibo mirue mííloyém, bulu tupsula oletsuyé.

³Ngom maklínge aabom dokom, ngokke aange pesomayé; mimage ngom aabom dakkom, ngo Shédíkíng míída tetesuyé.

⁴Ngo RUUTUM kíng agom atelko matadung, ngo atel petomko mííbomdung. De ngokke turdung tetesim RUUTUMke ekumlo duunamde; delo bím kaalíngem kaala bím yébosunamde.

⁵Kapeila bí ngom adírdo longelo bíkke dungkolo mesupyé, bí ngom bíkke Kumkeng Ekumlo mesiiyé, delokke línggen teyolo edíípe duumoyé.

⁶Dekepe ngokke miru kídíem ngom gargoonem ngo ikumyé. Bíkke Kumkeng Ekumlo pabi-ibinam ipak amanem ashérupe ngo biyéku; ngo miri luyé, RUUTUM bím ngo rínggeyé.

⁷Ngokke nom kabbi sunamem tatbika, E RUUTUM ngom yaasamla delokke poyan subilangka!

⁸“Aala ngom kumsulangka,” emla nokke emduem, “RUUTUMe ngo aayé;

⁹ngokke lokke no agíe rusi sumayika,” emla ngo emyansuto. Ngom marbom mayika; nokke béérangem mepak mayika. Ngom igulnape no ituai; ngom mela mepak mayika, E Shédíe, ngom turmone.

¹⁰Legade ngokke ane abue ngom mepak lado, idakkom RUUTUM bí ngom kaabomyé.

¹¹E RUUTUM, no ngom imope míínamem luyiltoika, delokke turpeko bedalok ngom gíbotoika, kapeila ngokke mirue deddíko.

¹²Menam yadnamlok delokke irít morítlok ina miru kídílo ngom melík mayika.

¹³Turko amolo RUUTUMke ainamem ngo kaapayé, dem ngo arope míídung!

¹⁴RUUTUM bím no míídasulangka. Míngkesulangka, delokke míídír mapeka. RUUTUM kíng míídasulangka.