Read Alladian MIRILUNGGU 30 Bible Online

MIRILUNGGU 30 - Alladian bible

MIRILUNGGU 30

¹RUUTUM, nom ngo koyiddung, kapeila no ngom laasito, delokke ngokke teyolo miruem ngilka momang.

²E RUUTUM, ngokke Shédíe, igul kola nokkíng ngo kabbisuto, no ngom ipítoku.

³E RUUTUM, no ngom agolokke megéto, rumkí belo gína kídí takamlokke ngom turdokupe laasii tungku.

⁴E bíkke amikídía, RUUTUM me miripe ríngge langka, delokke bíkke deena amínem yidgelangka.

⁵Kapeila bíkke marnamde anyongo legape, idola bíkke ainamde yénam tabung loope duudung, yumelo miksie dído, idola rohlo ashénge aadoku.

⁶Ngokke pedan agísuem míídíísula luyé, “Ngom edílokom ngenlamayé.”

⁷No ngom gyapdungai E RUUTUM, nokke pílennam díítem yapgope no daktummoto. Idola no agí mingmuem runyok gedokuem ngo roorie ito.

⁸E RUUTUM, nokkíng ngo kabbisuto; ngo nokkíng igulem koto:

⁹“Ngokke sikolok no ingko laabko paayén? Ngokke agolo gíkolok no ingko laabko paapene? Sina amie nom ríngge ladunía, bulu nokke míngkengem paalayédi?

¹⁰E RUUTUM ngom tatbika, delokke ngom yaasamtoika! E RUUTUM no ngom igulnape duutoika!”

¹¹No ngokke ankí-adírem ashérunge imotoku; no ngokke buulíngem laabíntoku. delokke ngom ashéng mílípe imotoku.

¹²Dekepe ila ngo asoope duumayé; ngo nom rínggeyéku E RUUTUM, no ngokke Shédíe, ngo nom agínpe yidgeyé.