Read Alladian MIRILUNGGU 32 Bible Online

MIRILUNGGU 32 - Alladian bible

MIRILUNGGU 32

¹Séko bulum mesam bitodí, séko buluke paabem mesam bitodí, bulu gérne.

²RUUTUMke imem ajéng luket manam, mema yadmana amide gérne.

³Ngokke paabem ponkan sumang adape, ngo lolope kaptíla kapngasuto.

⁴Longe yohpe no ngom ingééto, díyu lobo pamkilok oorukna tangar kísape, ngokke tolnamem apíípe gímoto.

⁵Ngo nokkíng paab inamem ponkan sudung, ngokke imemem ngo mesup sumang. Ngo emto, “Ngo ngokke imemem RUUTUMlo ponkansuyé,” delo no ngokke imem takamem mesam bito.

⁶Dekepe ila deenampe yéna takame lomnam gííname iduem, puumue iduem, nokkíng kumpe aido, delo dekede bulukíng píímayé.

⁷No ngokke duusi sukenge, no gíído-lomduem ngom mosiidung; ngo nokke laalen kunamem miripe rínggedung.

⁸“Nokke gípekuem ngo lulíkyé, delokke luyilyé. Ngokke agí keralo nom pogulyé,” emla RUUTUM podung.

⁹Guré, demangkom gado kísape mide mapeka. Bulu mide kolok bulum lagamlok hue-hokurla yébodo. Deke mangamílo bulum míngkampe yébo lamayai.

¹⁰Loorímana ami kídídelo ankíe bojéyé, idola RUUTUM bím míída suna kídídem, bíkke duuyarna ayanglok mosiido.

¹¹Deenampe yénakídí nolu mííyum sulangka, delokke ashélangka; nolu bím belenggena tabunge ashéngem gogyi langka.