Read Alladian MIRILUNGGU 36 Bible Online

MIRILUNGGU 36 - Alladian bible

MIRILUNGGU 36

¹Paabe loorímana aanglo duudola poyildung, bí Shédíme tomang delokke pesomang.

²Kapeila bí agíem botterupe míísudung. Shédí bí bíkke paabem kaamayé, delokke ingéémayé emla bí míísudung.

³Bíkke agomde loorímang delokke menam mílíe; bí gyan delokke aina emnam atírung iyimang.

⁴Bí keddola míírí-míínyo agér mílílo míítídung bí aina atírung imang, delokke bí atímana atíem mepak sumang.

⁵E RUUTUM, nokke duuyarna ayange teyong píídung;

⁶nokke yéjiiname dííte kísape tarlup bomdung, teteng ayonde siyéng lokke eerí kísadung. Tani elang simone nokke kaabomko gooralo dung.

⁷E Shédíe, nokke duuyarna ayade gairune! Tani ngolu nokke labbíng gooralo iigape míísuladung.

⁸Alummape nokke binam donamlok ngolu aranem idung; nokke ainame bíísétna korong asilok no ngolum tíípenamem bidung.

⁹Nomin turnam takam lokke lerínge, delokke nokke angunlok ngolu angunem kaadung.

¹⁰Nom kénna kídíem ayangem biyar toika, delokke deenampe yéna kídíem aina agérem iyar molangka.

¹¹Yidkímsuna amiem ngom míílo momayika, demangkom loorímana amiem ngom monpak momayika.

¹²Atímana ami oletkuem kaatolangka. Eena bulu keddone, darep layimane.