Read Alladian MIRILUNGGU 42 Bible Online

MIRILUNGGU 42 - Alladian bible

MIRILUNGGU 42

¹Sidume ansiina soyit asiem matínam akampe E Shédía, ngokke ainange nom matadung.

²Turyarna Shédíme ngokke aange eruk-erage ibomdung, edílo ngo gíla nokke keralo kumsupene?

³Longe yohpe ngo kapdung, delokke miksi petomde ngokke dotkéye; loodí mipíem ngokke mirue ngom ííyardung, “Ingkoloda nokke Shédíe?”

⁴Shédíke ekumlo mibamem yonbosula ngokke gíbo sunamem, mibam kídílokke ashéngla miri lula, Shédíme bottepe ríngge namem, ngokke míípa suyékuem ngo aang oname idung.

⁵Ngo kapeilai buulínge idune, kapeilai deddípe ngo adírdune? Ngo Shédíkíng míínam suyéku, lekoda ngo bím rínggeyéku, ngokke mopítna RUUTUM me, delokke ngokke Shédíme.

⁶Delok legape ngo míípang sudungku. Mijar díítelo, Hermon díítelo, Jordan amolo pesorunam dínggo olíknam kísape,

⁷leenyokko amoso ngokke ainasi beddung. Bí sipyar kísape ngokke ankí-kenuem imoto; puumu gíduem inam kísape, ngo adírem akén-ayén geyimang.

⁸RUUTUM bí bíkke duuyarna ayangem longelo lengkan daklangka, demílomin yumelo miri lula turmona Shédíkíng ngokke kumname kayéne.

⁹Ngokke tamte, Shédíkíng ngo luto, “No ngom kapeila mepak sukan? Kapeila miru kídíke iréékolo ngom melíkdune?”

¹⁰Ngokke miru kídíke, “Nokke Shédíbí ingkolo?” emla íídan tetela lupu-lulénamlok ngokke aange bottena taríkolok kigenam kísape kidung.

¹¹Ngo kapeila siddípe ankí-kenodune? Ngo kapeila siddípe adírdune? Ngo Shédíkíng míínam suyéku, ngom turmona, delokke ngokke Shédíme, lekoda ngo rínggeyéku.