Read Alladian MIRILUNGGU 48 Bible Online

MIRILUNGGU 48 - Alladian bible

MIRILUNGGU 48

¹RUUTUM bí botterunako, delokke bím Shédíke dungko doolung deena díítelo botterupe yidpenamko.

²Shédíke Jayon díítede kedonnako, delokke kamporunako, bottena Rojake doolung si tani among tabung so takamem ashéng ornako.

³Doolung yapgo aralo Shédíkelo duusi supekuem bí lengkanto.

⁴Kaatola, roja kídíe dumsula Jayon díítem mimak aabomto.

⁵Idola dem kaayéname bulu pesope míngkai; bulu pesola duknyok getoku.

⁶Bulum umyéname, bulu pesolok dan-gela okii kina kísa ikai.

⁷Gumyém siyéng asilok sipyarlo nunggosuna Tarshish lokke jaji kísape no imoto.

⁸Shédíke duuyar bomko dooludelo, Maglíngke RUUTUMke dungkodem kape kísape tattuadí depepak kaato.

⁹Nokke Kumkeng Ekum aralo E Shédí, ngolu nokke duuyarna ayangem míítí bomdung.

¹⁰Rego mipílo nom ami takame rínggedung, delokke nokke amíne among tabung so gígongkai. no tetelok yébodung.

¹¹Jayonlok ami kídíe ashélangka! No tetelok bisarem idung; Judah among lokke doolung kídíe ashélangka!

¹²Shédíke ami kídíe Jayonlo gíla, gaang kídíem sankítoka.

¹³Etor kídíem kaala, yapgo kídíem kangkí gootoka. Dekepe imílomin yépena siirumlo, ngiitom gedope ilayéne.

¹⁴“Si Shédí simin duuyarna ngoluke Shédíe, bímin ngolum yépenam siirum takamlo yébopenade.”