Read Alladian MIRILUNGGU 5 Bible Online

MIRILUNGGU 5 - Alladian bible

MIRILUNGGU 5

¹Ngokke agomem tatbika, E RUUTUM, ngokke aapí genyii bomnamem kénbika.

²Ngokke kabbi sunamem tatbika, ngokke Roje delokke Shédí no, kapeila nokkíng ngo kumdung.

³E RUUTUM, ruem no ngokke agomem taddung, rokompe ngo nom kumgeyéla nok agomem taddung.

⁴Kapeila no atímana agérlo ashémana Shédíe; nokkíng atímana atíem yémín gemomang.

⁵Míngkímsune nokke keralo daklamang; akdung no atímape agér ina takamem.

⁶Menam agom pona kídíem no petpakdung; RUUTUM bí petna-monem delokke yadna panem belumdung.

⁷Idola nokke botteruna ayanglok ngo nokke ekumlo aaladung; ngo nokke deena Kumkeng Ekumlo kumsuyé, delokke nom lebíng konínggeyé.

⁸E RUUTUM, ngokke mirue deddíko, nokke míínamem ngom imoyika; ngokke kangkolo nokke bedangem jonmoyika.

⁹Kapeila buluke nappalo aro kamang, buluke aapíde petnam-monam petome. Buluke agomde yidsu mílíe, idola díkna-kona sényinge.

¹⁰Buluke ajéngem bulum gesu molangka, E Shédía; buluke luyil sulok bulum olet sumolangka; buluke deddípe paab igalok bulum monpaktoka, kapeila bulu nom kangkito.

¹¹Idakkom nokkíng duusi gena kídíem ashéng molangka, bulum ashéng moyar langka; delokke nom ayana kídíe nom yidgedope no bulum aabo sulangka.

¹²Kapeila no aang gejiinem lubéélíkdung E RUUTUM; tamte kísape bulum no mosiidung.