Read Alladian MIRILUNGGU 56 Bible Online

MIRILUNGGU 56 - Alladian bible

MIRILUNGGU 56

¹E Shédía, ngom ayatoika; kapeila ngo miru kídíke míílo lokenge; ngokke miru kídíe ngom loodíke iréédung.

²Longe rubungem ngom akna kídíe, ngom míílue idung; ngom imínsune deddíko.

³Ngokke pesue emla mííyém, nokkíng ngo míídíísudung.

⁴Shédíke pébisunam agomem ngo rínggedung, Shédíkíng ngo pesomape míídasudung, tanipede ngom ingkoko ilayén?

⁵Loodíke ngokke miru kídísi ngokke míínamem ibul bultí bomdung! Agínpe ngom bulu ike-sire tope emla itíbomdung!

⁶Ngom petpe míídola bulu rubomdola, ngokke inam-saanamem kaatí bomdung.

⁷E Shédí, buluke atímangem kaala bulum ingéétoika; dem ami kídídem no ulpak toyika!

⁸No kéndung ngo edítko adírdun; no ngokke miksi dínamem atkumtung. Nokke kitablo dem isapla memanía?

⁹Ngokke nom gokdo longelo, ngokke mirukídíem monpakyéku. Ngo dem kéndung, Shédí bí ngokke danpe dung.

¹⁰Shédíke agomem ngo donggedung, RUUTUMke agomem ngo rínggedung,

¹¹Pesomape Shédí kímin ngo míída sudune. Tanie ngom ingkoko ilayéne?

¹²E Shédía, ngokke nom pobi sunamem ngo iyérung. Ngo nom yidgenam amanem biyérung.

¹³Kapeila no ngom sipeko lokke laasi toku, delokke olet peko lokke umbomto. Dekepe iname ngo Shédíke keralo turna kídíem latbo bina angunlo yédung.