Read Alladian MIRILUNGGU 63 Bible Online

MIRILUNGGU 63 - Alladian bible

MIRILUNGGU 63

¹E Shédía, nomin ngokke Shédíe, nom ngo matadung, ngokke aide nom asi tíílíng kísa mííbomdung; ngokke aapíe asi kaimangko mooruk amolo asi tíílíngem molayimanam kísape nom ibomdung.

²Kumsukolo ngom kaamolangka; edítko no bottedudí, delokke angun ralnam kadudí ngom kaamoyika.

³Kapeila nokke ooyimana ayangde turnam empemílo aiyadung; ngokke nabbéle nom rínggeyé.

⁴Ngokke turdung tetedem ngo nom yidgeyé; ngokke alage lengondola nom kumyé.

⁵Ngokke aide dora-tíírasula kiidaryé, delokke ngo yidgenam ashénam miriem nom lubiyé.

⁶Ngokke ippulo keddungem, ngo nom míípang sudung, yoh rubungem ngo nokke legangem míítídung,

⁷kapeila no agínpe ngom igulnape ito. Nokke labbíng ugyumlo ngo ashéngla miri ludung.

⁸Ngo nokkíng gakyonsuto, delo nokke alage ngom gomsiito.

⁹Ngom petpe emla raltína kídíe uyu amolo gíyé.

¹⁰Bulum mimaklo petyé, delokke buluke simangem sipyange doyé.

¹¹Kapeila Shédí bí, bím ikumnamem biyé, rojade ashéngyé. Shédíke amínlok pésuna kídíde bím koyityé, idola mena-yadna nappang kídídem kítkemyé.