Read Alladian MIRILUNGGU 65 Bible Online

MIRILUNGGU 65 - Alladian bible

MIRILUNGGU 65

¹E Shédíe, Jayonlo nom rínggenamde ibarusuname, delokke ngolu nom pébi sunamem bomgapdung.

²No kumnamem tatbine! Rego mipílokke amie buluke paablok

³nokkíng anggeyé. Ngoluke imeme ngolum ikumdung, idola no dekedem mesamdung.

⁴Nokke ullennam, delokke nokke kebang ekumlo aabonam amide gérne! Nokke ekumlokke aina atíem, nokke deena Kumkeng Ekumlok ayang igulem ngolu aipe míídung.

⁵Ngolum ikum nanem bila, no ngolum tatbidung, delokke no ngolum laalen dokuem irisinyo atíem ibito. Tani amolokke ami takame, delokke sine siyéng kékonlok amie nokkíng míídasudung.

⁶No nokke ralnamlok dííte moopangem duumotung, agí tolnamem lengkannape duumotung.

⁷No siyéng lokke ngomdudem, delokke sipyarlokke adudem, ami kídí lokke uknamem roma modungku.

⁸Nokke bottena inam atíkídíem ami amonge pesola dung. Nokke agér iname among kéényung konlokke ila kéényung konloope ashéngem langa bodung.

⁹No amongem gíkaala, pedong asiem bidung, no sim airupe jémodung; Shédíke koronge asi mílípe idung; No ali-ayém lenmodung. Dem no dekerupe iruubitung.

¹⁰No aal gíko aríklo pedongem omodung, delo asiem rebomdope dakmodung, no kédéngem tangarlok reyii modung, delo asulem garmodung.

¹¹Nokke ainame edítko ali-ayém jémodun! Ingkolo no gíyédí delo jédung.

¹²Miijébem gooru sobéne bíísét bomdung; dííte moopalo apíípe ashénge píídung;

¹³Arígem mér sobéne bíísét bomdung; monggu amonge aamlekpe idung. Atí takame ashéng-angampe idola miri ludung.